अब यो देशको प्रधानमन्त्री महिलालाई नै बनाउनु पर्छ

नजिक न्युज संवाददाता    

अब यो देशको प्रधानमन्त्री महिलालाई नै बनाउनु पर्छ

चर्चित अभिनेत्री तथा राप्रपा संयुक्तकी सहमहामन्त्री रेखा थापाले आगामी निर्वाचनमा पुरुष उमेरद्वारलाई भोट नदिन आग्रह गरेकी छन्। एक कार्यक्रमा बोल्दै थापाले नेपालमा आधा आकाश ढाक्ने महिलालाई ३३ प्रतिशत आरक्षण रहेपनि पूर्णरुपमा पालना नभएको र मानसिक रुपमा सबै परिवर्तन नभै हुन नसक्ने बताइन्।

विश्वमा ५५ करोड महिला अझै अशिक्षित रहेको र प्रयेक ९० सेकेन्डमा एक महिला सुत्केरी हुन नपाएर मर्ने गरेका बेला नेपालमा भने महिला नेत्रीहरुको आवाजले महिलाको अवस्था केही हदसम्म सुध्रेको पनि बताइन्।

नेपालमा महिलाहरुलाई सडकदेखि सदनसम्म छोरी मान्छे नै बन्ने तालिम दिइएको र नेत्रीहरुले उपहारमा दिइएको पदले ठाउँमा पुगेर लाखौँ महिलाहरुको पीडा भुल्न नहुने पनि बताइन। नेपलमा क्षमतावान महिलाहरु रहेका छन्।

आउँदो चुनावमा महिला प्रधानमन्त्री तथा कार्यकारी प्रमुख बनाउनका लागि चुनौती दिँदै पुरुषलाई भोट नदिन आग्रह गर्छु, उनले भनिन् । उनले कोटो प्रविधिको विरोधी भएको बताउदै भनिन्, सहरमा बसेर हामी नारी दिवस र महिला अधिकारको कुरा गछौं । त्यो कुराले कुनै गाउँमा कतिको छोएको छ भनेर बुझ्न जरुरी थियो ।

त्यसलै मैले छोरीको लागि स्वर्णिम नेपाल अभियान चलाएको थिए । छोरीसँग क्षमता हुदाँ हुदै पनि कोटा प्रयोग गरिन्छ । कोटाले सिमित क्षेत्रमा मात्र कायम राख्छ । म कोटा प्रविधिको पहिलै देखि विरोधी हो । छोरी मान्छेलाई सांसद देखि लिएर सडक सम्म छोरीनै बनाउने तालिम चै किन दिइन्छ । यो मेरो प्रश्न परिवारलाई पनि, समाजलाई पनि र राज्यलाई पनि र नीति नियम बनाउने व्यक्तिहरुलाई पनि ।

तपाईहरुले याद गर्नु भएको होला सांसद भित्र पनि महिलाको उपस्थिति छ कोटामा । तर त्यहाँ अपवादलाई छोडेर महिला सिंगारिक वस्तुको रुपमा देख्छु । सदन देखि सडक सम्म महिलालाई सिंगारिक वस्तुको रुपमा किन प्रयोग गरिन्छ रु र हामी जहिलै पनि सिंगारिक वस्तु बन्न किन लालयत छौं ।

नेपाली चलचित्र जगतको चर्चित एवं लोकप्रिय नायिका हुन रेखा थापा । १६ वर्षको उमेरदेखि नै नेपाली सिने क्षेत्रमा सक्रिय थापा नेपाली सिने क्षेत्र मात्र नभएर राजनीतिक क्षेत्रमा पनि सक्रिय छिन् । कुनै बेला माओवादीमा रहेकी रेखा अहिले राष्ट्रिय प्रजातान्त्रिक पार्टी ९राप्रपा० मा आवद्ध छिन् ।

उनी राप्रपाको महाधिवेशनबाटै केन्द्रीय सदस्य चुनिएकी हुन् । थापा नेपाली रजतपटमा अहिले पनि उतिकै चर्चित नायिकाको रुपमा परिचित छिन् । रेखा अहिले राप्रपाको संगठन सुधार र राप्रपाको राजनीतिक वैचारिक ‘लाइन’मा समाहित भइरहेकी छिन् । योहो टेलिभिजनको पिवाईएल सो कार्यक्रम कुरा गर्दै रेखाले अहिलेको राजनीतिलाई दोस्रो पुस्ताले मात्र सुधार्न सक्ने बताइन् ।

उनले कुनै पनि सत्ता सञ्चालनमा गाली र गुनासो मात्रै गर्ने र मैदानमा नउत्रिए विकृति विसंगति नरोकिन्ने बताइन् । उनी भन्छिन्, ‘कहाँ कमजोरी छ रु जनताको भावना हामीले कहाँनेर बुझिरहेका छैनौं रु जनतालाई आश्वासन मात्र दिइरहेका छौँ । तर अब युवापुस्ताले जनताको भावना सम्बोधन गर्न नेतृत्व लिनुपर्छ ।

अहिले मध्यावधि निर्वाचनको हल्ला चलिरहेको छ । निर्वाचन होला भन्ने पनि शंका छ । थापा त्यसरी चुनाव भए नेतृत्वमा आउन सक्ने क्षमता आफूसँग भएको बताउँछिन् । अहिले नै भनिहाल्ने स्थिति छैन । मैले सोचेको कुरा पनि हैन । पार्टीको निर्णय के हुन्छ कुनै पनि जिम्मेवारी सम्हाल्न मलाई आपत्ति छैन ।



सोमबार ११, असोज २०७८ ०६:५९ मा प्रकाशित

प्रतिकृया दिनुहोस


Copyright © 2019 - najiknews.com.