मार्तडी कोल्टी सडकमा जिपको भाडा घटाउन प्रशासनको ध्यानाकर्षण

नजिक न्युज संवाददाता    

बाजुरा : तोकेको भाडादर भन्दा जिप व्यवसायीले मनोमानी भाडा असुली गर्नेक्रम नरोकिएपछि कोल्टी क्षेत्रका स्थानीयले जिल्ला प्रशासनको ध्यानाकर्षण गराएका छन् । मार्तडीदेखि कोल्टीसम्मको भाडादर ८ सय लिन ताकेता गरिएको भएपनि व्यवसायीले १ हजार देखि १२ सयसम्म लिने गरेको आक्रोश स्थानीयको छ ।

बाटोको बाहना देखाएर व्यवसायीले टिकेट समेत नकाटी, मनोमानी भाडा असुली गर्नेक्रम नरोकिएपछि प्रशासनको ध्यानाकर्षण गराएको युवा संघका नेता विस्न कार्कीले बताएका छन् । नेकपाका नेताहरुको अगुवाइमा भाडादरमा एकरुपता र जनतालाई न्यायका लागि पहल गर्न प्रशासनको ध्यानाकर्षण गराएका हुन् ।

सरकारी मापदण्ड विपरित भाडाको अवस्था हेरेर ४३ किलोमिटरको भाडा ८ सय रुपैया लिन सहमति गरिएपनि व्यवसायीले झनै यात्रुहरुलाई धम्की दिएर, थर्काएर भाडा असुली गर्ने गरेको आरोप स्थानीयको छ ।

तेलको मूल्य घटिसकेको र बाटोको अवस्था सुधार हुदै गएको अवस्थामा पनि व्यवसायीले कायम गरिएको भाडा भन्दा २ देखि ४ सय भन्दा बढी रुपैया प्रतिव्यक्तिबाट असुली गर्ने गरेकोले त्यसको निगरानी र नियन्त्रण गर्न नेकपा प्रदेश कमिटी सदस्य अजबहादुर मल्लले बताएका छन् ।  

जिल्ला प्रशासन कार्यालयमा नेकपा नेता अजबहादुर मल्ल सहीत विनिता विक, अर्जुन रोकाया, पुरबहादुर रावत, भरत विक, छप्कीलाल बुढा, गोरख सार्की सहीत सहभागि थिए । भाडामा एकरुपमा र न्यायीक भाडा कायम गरिदिन प्रमुख जिल्ला अधिकारीसँग आग्रह गरेका छन् ।

जवाफमा प्रमुख जिल्ला अधिकारी कृष्ण गैह्रेले सरकारले तोकेको भन्दा बढी दिन पाउने मौखिक सहमति गरिएपनि कार्यान्वयन नभएको पाइएमा कारवाही गर्ने बताएका छन् । बाटोको अवस्था हेरेर समर्थन गरिएको विषयलाई कमजोरी ठोनेर मनोमानी गरिएको भए सम्बन्धी व्यक्ति र व्यवसायीलाई कारवाही गर्ने अधिकारी गैह्रेको भनाई छ । 

छलफलमा सहभागि प्रहरी नायव उपरीक्षक मदनजीव महराले पनि प्रहरीलाई कडा निगरानीमा राख्ने र अनिवार्य टिकट हेर्न लगाउने बताएका छन् । कोल्टी क्षेत्रमा व्यवसायीले बाटो र तेलको बाहनामा यात्रुबाट मनोमानी भाडा असुली गर्दै आएका छन् ।



बिहिबार ११, मङि्सर २०७७ १२:०५ मा प्रकाशित

प्रतिकृया दिनुहोस


Copyright © 2019 - najiknews.com.