२०८० जेठ २२ गते सोमबार | 5 June, 2023
बाजुरा : बाजुराको कोल्टीमा भोलीदेखि निःशुल्क स्वास्थ्य शिविर सञ्चालन हुने भएको छ ।
बुढीनन्दा नगरपालिकाको आयोजना तथा गेटा आँखा अस्पतालको समन्वयमा विशेषज्ञ डाक्टर सहीतको निःशुल्क स्वास्थ्य शिविर सञ्चालन गरिने भएको हो ।
नगरपालिका भित्रका नागरिकलाई लक्षित गरि निःशुल्क वृहत स्वास्थ्य शिविर सञ्चालन गरिने बुढीनन्दा नगरपालिका नगरप्रमुख जनक कुमार बोहराले बताएका छन् ।
विभिन्न समस्याका कारण उपचार गर्न हालसम्म अस्पताल पुग्न नसकेका र गरिव विपन्न नागरिकहरुको समस्या समाधान गर्न कोल्टी प्राथमिक स्वास्थ्य केन्द्रमा विशेषज्ञ डाक्टर सहीतको स्वास्थ्य शिविर सञ्चालन गर्न लागिएको उनले बताए ।
शिविर भोली वैशाख २४ गतेदेखि २७ गते मंगलबार सम्म सञ्चालन हुने भएको छ । शिविरमा आँखा रोगको उपचार, छाला, नाक, कान, घाटी, दाँत, कलेजो, हाड तथा जोर्नी र सामान्य शल्यक्रिया लगायतका विभिन्न रोगहरुको उपचारसंगै स्वास्थ्य परीक्षण गरिने बताईएको छ ।
प्रतिकृया दिनुहोस