बाजुरा : गौमुल गाउँपालिका गाउँकार्यपालिकाको तेस्रो बैठक सम्पन्न भएको छ । एघारौं गाउँ सभाको तयारी र नीति तथा कार्यक्रमका विषयमा बसेको बैठक सम्पन्न भएको हो ।

गौमुल गाउँपालिका अध्यक्ष हरिबहादुर रोकायाको अध्यक्षताका बसेको कार्यपालिकाको तेस्रो बैठकमा एघारौं गाउँ सभाको तयारी र गाउँ सभामा ल्याईने नीति तथा कार्यक्रम विषयगत छलफल भएको गाउँपालिका प्रवक्ता एवं वडाध्यक्ष देवबहादुर रोकायाले बताएका छन् ।

कार्यपालिकाको तेस्रो बैठकले एघारौं गाउँ सभाको तयारीमा नीति तथा कार्यक्रम विषयगत छलफल आजबाट सुरु गरेको प्रवक्ता रोकायाले बताएका छन् । 

गाउँ सभाले जनपक्षिय नीति तथा कार्यक्रम ल्याउने गरी बैठकले निश्कर्ष निकालेको उहाँले बताए । जनताका लागि महत्वपूर्ण नीति तथा कार्यक्रम ल्याउनका लागि आज कार्यपालिकाको बैठक बसी तयारी थालिएको हो ।

एघारौं गाउँसभा १० गते हुने भएकाले नीति तथा कार्यक्रमका लागि विषेश छलफल गरिएको छ । बैठकमा गाउँपालिका अध्यक्ष हरिबहादुर रोकाया, उपाध्यक्ष सीता थापा, प्रमुख प्रशासकीय अधिकृत जगदिश प्रसाद भट्ट, वडाध्यक्ष, कार्यपालिका सदस्य लगायतको सहभागिता रहेको थियो ।