नजिक न्युज https://najiknews.com नजिक न्युज - नजिक न्युज en-US hourly 1 Copyright 2021 Fri, 22 Jan 2021 06:41:33 +0545 राधिका बनिन् जंगल युद्धकला तालिम गर्ने पहिलो नेपाली महिला सैनिक https://najiknews.com/news/6226 Thu, 21 Jan 2021 17:55:45 +0545 https://najiknews.com/news/6226 झन्डै तीन महिला लामो तालिम उनले पुरा गरेर पहिलो युद्धकता तालिम गर्ने महिला भएकी नेपाली सेनाले जानकारी दिएको छ। काठमाडौंः नेपालमा पहिलो पटक महिला सैनिकले प्रतिविद्रोह तथा जंगल युद्धकला तालिम सफलतापूर्वक सम्पन्न गरेकी छन्।

सिपाही राधिका थापा नौतिपूर्ण प्रतिबिद्रोह तथा जङ्गल युद्धकला तालिम सफलतापूर्वक सम्पन्न गर्ने पहिलो महिला सैनिक भएकी हुन।

झन्डै तीन महिला लामो तालिम उनले पुरा गरेर पहिलो युद्धकता तालिम गर्ने महिला भएकी नेपाली सेनाले जानकारी दिएको छ।

सिन्धुपाल्चोकको मेलम्चीकी उनी २०६९ असार १५ गते नेपाली सेनाको सैन्य दर्जामा भर्ना भएकी थिइन्। सैन्य आधार तालिमपश्चात उनी २०७० जेठ २४ गतेबाट शिक्षालयमा कार्यरत रहेकी थिइन्।

]]>
भीमदत्त राजमार्गमा मोटरसाइकल दुर्घटना, डडेल्धुराका एक युवकको मृत्यु, एक घाइते https://najiknews.com/news/6225 Thu, 21 Jan 2021 17:52:47 +0545 https://najiknews.com/news/6225 बिहीबार दिउँसो उक्त मोटरसाइकललाई धनगढीबाट डडेल्धुरातर्फ गइरहेको से१ख १२४४ नम्बरको मिनीट्रकले ठक्कर दिँदा दुर्घटना भएको प्रहरीले जनाएको छ। मिनीट्रक र चालकलाई नियन्त्रणमा लिइएको ट्राफिक पोष्ट बुडरले बताएको छ। धनगढी: भीमदत्त राजमार्ग अन्तरगत डोटीको जोरायल गाउँपालिका–२ गरुडीमा मोटरसाइकल दुर्घटना हुँदा एक जनाको मृत्यु भएको छ।

डडेल्धुराबाट धनगढीतर्फ आइरहेको सुपप्र ००२००३ प ४९०२ नम्बरको मोटरसाइकलमा सवार डडेल्धुराको अमरगढी नगरपालिका–४ का अन्दाजी ३० वर्षीय प्रदिप घिमिरेको मृत्यु भएको हो। 

सोही मोटरसाइकलका चालक अमरगढी–४ कै अन्दाजी ३० वर्षीय नरेन्द्र घिमिरे भने घाइते भएको ट्राफिक पोष्ट बुडरका प्रहरी सहायक निरीक्षक राजेन्द्र विष्टले बताए। घाइते नरेन्द्रलाई उपचारका लागि धनगढी पठाइएको उनले बताए। 

बिहीबार दिउँसो उक्त मोटरसाइकललाई धनगढीबाट डडेल्धुरातर्फ गइरहेको से१ख १२४४ नम्बरको मिनीट्रकले ठक्कर दिँदा दुर्घटना भएको प्रहरीले जनाएको छ। मिनीट्रक र चालकलाई नियन्त्रणमा लिइएको ट्राफिक पोष्ट बुडरले बताएको छ। 

]]>
शान्तिका लागि प्रतिनिधिसभा पुनःस्थापना हुनुपर्छ : पहाडी https://najiknews.com/news/6224 Thu, 21 Jan 2021 17:48:55 +0545 https://najiknews.com/news/6224 समाज कैलालीको आजको कार्यक्रममा मानवाधिकारवादी पहाडीले विघटनले देश अशान्ति र गृहयुद्धमा धकेलिएको विचार राखे। “राष्ट्र र राष्ट्रियता जोगाउन पनि पुनःस्थापनाको पक्षमा लाग्न जरुरी छ”, उनले भने। कैलाली, भजनी: मानवअधिकार तथा शान्ति समाजका संस्थापक सभापति कृष्ण पहाडीले देशमा शान्ति र अमनचयनका लागि भए पनि प्रतिनिधिसभा पुनःस्थापना हुनुपर्ने बताएका छन्। 

समाज कैलालीको आजको कार्यक्रममा मानवाधिकारवादी पहाडीले विघटनले देश अशान्ति र गृहयुद्धमा धकेलिएको विचार राखे। “राष्ट्र र राष्ट्रियता जोगाउन पनि पुनःस्थापनाको पक्षमा लाग्न जरुरी छ”, उनले भने।

समाजका केन्द्रीय सभापति उत्तम पुडासैनीले प्रधानमन्त्रीका पछिल्ला अभिव्यक्तिले नागरिकमा झन् शङ्का पैदा गरेको विचार व्यक्त गरे।

]]>
भीम रावलको पिएडीमाथि ओलीको प्रश्न, भने– के विषयको डा हो, कुन डा, केको डा https://najiknews.com/news/6223 Thu, 21 Jan 2021 17:37:50 +0545 https://najiknews.com/news/6223 यसअघि भीम रावलले महिलाको किड्नी हालेकाले केपी ओलीको दिमाग बिग्रिएको भनी अभिव्यक्ति दिएको खबरहरु सार्वजनिक भएका थिए। उक्त खबरप्रति नेता रावलले अपत्ति जनाएका थिए। नेकपाका नेता भीम रावललाई जोडेर प्रकाशित सो समाचार झुटो रहेको सार्वजनिक भएको थियो। प्रधानमन्त्री केपी शर्मा ओलीले फेरि नेपाल कम्युनिस्ट पार्टी(प्रचण्ड–नेपाल) समूहका नेता भीम रावलको कडा आलोचना गरेका छन्। बिहीबार प्रेस संगठनको भेलालाई सम्बोधन गर्दै ओलीले तथ्यहीन एक समाचारको सन्दर्भ लिँदै भीम रावलको आलोचना गरेका हुन। 

‘एउटा भर्खरभर्खर डा लेख्न थालेकाले अस्ति भाषण गरे– केपी ओलीले महिलाको किड्नी राखेको, त्यसकारण दिमाग खुस्कियो। महिलामाथि कत्रो अपमान’ उनले भने।

यस्तै उनले भीम रावलको पिएडी उपाधीमाथि नै प्रश्न उठाएका छन्। ‘डा लेखेका छन्, डा केमा लेखेका हुन् थाहा छैन। के विषयको डा हो, थाहा छैन। डा लेखेको छ तर केपी ओलीको दिमागले काम गर्दैन। किनभने किड्नीचाहिँ महिलाको राखेको छ रे’ उनले भने, ‘महिलाको किड्नीले काम गर्दैन भनेपछि, महिलाको त दिमागले झन्, मैले एउटा किड्नी राख्दा त काम गरेन भने दुइटै किड्नी भएका महिलाको दिमागले त काम गर्ने कुरै भएन। यो खालको, बुद्धिचाहिँ कहाँ छ भने डा लेखेर के गर्ने, कुन डा हो, कुन डा, केको डा हो, केको डा।

यसअघि भीम रावलले महिलाको किड्नी हालेकाले केपी ओलीको दिमाग बिग्रिएको भनी अभिव्यक्ति दिएको खबरहरु सार्वजनिक भएका थिए। उक्त खबरप्रति नेता रावलले अपत्ति जनाएका थिए। नेकपाका नेता भीम रावललाई जोडेर प्रकाशित सो समाचार झुटो रहेको सार्वजनिक भएको थियो।

]]>
सुदूरपश्चिममा कोरोनाविरुद्धको खोपका लागि करिब २७ हजारको तथ्यांक संकलन https://najiknews.com/news/6222 Thu, 21 Jan 2021 17:33:15 +0545 https://najiknews.com/news/6222 प्रदेशको स्वास्थ्य निर्देशनालयले ९ वटै जिल्लाबाट अग्रमोर्चामा खटिने १४ हजार ६ सय ६६ स्वास्थ्यकर्मी  र १२ हजार ५७ जना सुरक्षाकर्मीको तथ्यांक संकलन गरेको निर्देशनालयका भेक्टर कन्ट्रोल निरीक्षक हेमराजले बताए। पहिलो चरणमा करिब १ लाख जति खोप सुदूरपश्चिमका लागि पठाउने अनुमान गरिएको छ। सुदूरपश्चिम प्रदेशमा पनि भारतले अनुदानमा दिएको कोरोना भाइरस विरुद्धको खोप लगाउने अभियान सञ्चालन गरिने भएको छ। 

सुदूरपश्चिम प्रदेश सरकार र मातहतका निकायले खोपको सुरक्षित भण्डारण गर्दै त्यसलाई प्राथमिकताका आधारमा लगाउनेगरि तयारी थालिएको बताएका छन्। 

पहिलो चरणमा सुदूरपश्चिम प्रदेशको ३ प्रतिशत जनसंख्याका लागि आउने कोरोना भाइरस विरुद्धको खोपमा अग्रमोर्चामा खटिने स्वास्थ्यकर्मी र सुरक्षाकर्मीलाई दिइने छ। जसका लागि २६ हजार ७ सय २३ जनाको तथ्यांक संकलन गरिएको छ। जसमा एम्बुलेन्स चालक, शववाहन चालक, सरसफाईकर्मी लगायतलाई समेत प्राथमिकतामा राखिएको छ। 

प्रदेशको स्वास्थ्य निर्देशनालयले ९ वटै जिल्लाबाट अग्रमोर्चामा खटिने १४ हजार ६ सय ६६ स्वास्थ्यकर्मी  र १२ हजार ५७ जना सुरक्षाकर्मीको तथ्यांक संकलन गरेको निर्देशनालयका भेक्टर कन्ट्रोल निरीक्षक हेमराजले बताए। पहिलो चरणमा करिब १ लाख जति खोप सुदूरपश्चिमका लागि पठाउने अनुमान गरिएको छ। 

]]>
हामी रातो झण्डा फहराउने हौं, पेरिसडाडाँमा जस्तो कालो झण्डा बोक्ने होइनौं : केपी ओली https://najiknews.com/news/6221 Thu, 21 Jan 2021 15:35:25 +0545 https://najiknews.com/news/6221 सडकमा रातो झण्डा बोक्ने हौं, कालो झण्डा बोक्ने होइनौं’, ओलीले भने । प्रचण्ड-माधव समूहले पेरिसडाडाँमा आजै संसद् विघटन विरुद्ध कालो बेलुन उडाएको थियो । प्रचण्ड र माधव समूहका विद्यार्थीहरुले मन्त्रीहरुलाई कालो झण्डा समेत देखाउँदै आएका छन् । काठमाडौं : नेकपा ओली समूहका अध्यक्ष एवम् प्रधानमन्त्री केपी शर्मा ओलीले आफूहरू रातो झण्डा बोक्नेहरु भएको बताएका छन् । आफ्नो समूहका प्रेस संगठन नेपालको दोस्रो राष्ट्रिय सम्मेलनलाई सम्बोधन गर्दै ओलीले आफ्नो गन्तव्य प्रष्ट भएको बताए ।

‘हामी रातो झण्डा फहराउने हौं, पेरिसडाडाँमा जस्तो कालो झण्डा बोक्ने होइनौं । रातो बेलुन उडाउने हौं, कालो बेलुन उडाउने होइनौं । सडकमा रातो झण्डा बोक्ने हौं, कालो झण्डा बोक्ने होइनौं’, ओलीले भने । प्रचण्ड-माधव समूहले पेरिसडाडाँमा आजै संसद् विघटन विरुद्ध कालो बेलुन उडाएको थियो । 

‘मलाई दन्तबजान गर्नु छैन । उहाँहरुले कालो झण्डा गाडेर बस्नुभएको छ, काला बेलुन उडाउनु भएको छ, कालो सपना देख्नुभएको छ, कालो मनसाय लिनुभएको छ । केही भन्नु छैन’, ओलीले भने ।

प्रचण्ड र माधव समूहले जनतालाई अनेक हाउभाउ गरेर सिनेमा देखाइरहेको ओलीले टिप्पणी गरे । ‘सिनेमा भनेको हिरो हुन्छ, हिरोइन हुन्छ । लभ परेको हुन्छ धुमधाम । हिरोइनी घाइते हुन्छ, हिरो ब्याकुल हुन्छ । रुन्छ । वास्तवमा केही पनि होइन,’ ओलीले थपे, ‘सबै तमासा हो । केही मान्छेहरु सिनेमा देखाउन, नाटक देखाउन आउँछन् । रुन्छन्, झुक्याउँछन् जनतालाई । हामीले त्यस्ता तत्वहरुबाट सजग गराउनुपर्छ ।’

]]>
प्रचण्ड–नेपाल समुहले पार्टीको कार्यक्रममा हुम्लाको ताँजाकोट गाउँपालिकाको सरकारी गाडी प्रयोग https://najiknews.com/news/6220 Thu, 21 Jan 2021 15:17:19 +0545 https://najiknews.com/news/6220 ताँजाकोट गाउँपालिकाको सरकारी गाडी कार्यालयको काम भन्दा पनि नेता कार्यकर्ता ओसारपसार गर्ने भाडो बनेको छ । ताँजकोट गाउँपालिकाको गाडी छ भनेर सबैलाई थाहा भएपनि प्रचण्ड नेपाल समुहको कार्यक्रममा सरकारी गाडीको मनपरी दुरुपयोग गरीएको हो । हुम्ला : नेपाल कम्युनिष्ट पार्टी (नेकपा) प्रचण्ड–नेपाल समुहले पार्टीको कार्यक्रममा हुम्लाको ताँजाकोट गाउँपालिकाको सरकारी गाडी प्रयोग गरेका छन् । गाउँपालिका अध्यक्ष बाग्दल मल्लको नेतृत्वमा जिल्लास्थित प्रचण्ड–नेपाल समुहका नेता तथा कार्यकर्ताले गाउँपालिकाको सरकारी गाडीको मनपरी तवरमा प्रयोग गरेका हुन् ।

आइतबार गाउँपालिकाको सरकारी सेतो पिलेट भएको सवारी ताँजाकोट हुँदै कार्यकर्ता तथा नेता बोकेर अदानचुली गाउँपालिकामा पुर्याइएको रेडियो श्रीनगरका मोहन बुढाले जानकारी दिनुभयो ।

गाउँपालिकाको सरकारी गाडीमा गाउँपालिका अध्यक्ष मल्ल बाहेक अन्य सबै प्रचण्ड–नेपाल समुहका जिल्ला स्थित नेता तथा कार्यकर्ता गोपाल बुढा, एट्म परियार र शिभराज शर्मा लगायतका अरु सामान्य पार्टीका कार्यकर्ता समेत सवार भएको श्रीनगरका स्थानीयले बताएका छन् ।

ताँजाकोट गाउँपालिकाको सरकारी गाडी कार्यालयको काम भन्दा पनि नेता कार्यकर्ता ओसारपसार गर्ने भाडो बनेको छ । ताँजकोट गाउँपालिकाको गाडी छ भनेर सबैलाई थाहा भएपनि प्रचण्ड नेपाल समुहको कार्यक्रममा सरकारी गाडीको मनपरी दुरुपयोग गरीएको हो ।

यस्तै प्रत्येक वडामा वितरण गरीएका मोटरसाइकल कता छन् र कुन हालतमा छन् भन्ने कोही कसैलाई नभएको थाहा नभएको यहाँका स्थानीयले बताएका छन् । ताँजकोट गाउँपालिकाका जनप्रतिनिधिहरुले नियम विपरीत पालिकाको सरकारी सवारीको अनियमितता गर्दै आएका छन् ।

]]>
बाबासँग ओठको भाषामै कुरा गर्थ्यौं https://najiknews.com/news/6219 Thu, 21 Jan 2021 15:06:56 +0545 https://najiknews.com/news/6219 हामी सानो हुँदा हात समाएर डोहोर्‍याउनुहुन्थ्यो । सधैं हाम्रो कुशल अभिभावक हुनुहुन्थ्यो । तर समयले कोल्टे फेर्‍यो । हामी उहाँको अभिभावकजस्ता बन्यौ । उहाँलाई खुवाउने, डोहोर्‍याउने, सुताउने आदि हाम्रो दिनचर्या बन्यो । हामीलाई आशा थियो– बाबालाई ठीक हुन्छ भन्ने । तर,  हामीले सोचेजस्तो भएन । उहाँको शरीर दिनदिनै कमजोर हुँदै गयो । पौष २५ गते अपरान्ह हाम्रो बाबा, भैरवनाथ रिमाल ‘कदम’को स्वर्गारोहण भयो । यसपछि जताततै उहाँका गीतहरूको फेरि एकपटक चर्चा हुन थाल्यो । उहाँको साहित्यको प्रशंसा  हुन थाल्यो  । शब्द, स्वर र संगीतले जन्माएको उहाँको परिचयको उचाइ अनन्त फैलियो ।

तर, हामीलाई भने त्यसबेला ती कालजयी गीतहरू कसरी सिर्जना भएका थिए भन्ने स्वर्णीम समयको स्मरण हुनपुग्यो । कुरा करिब चार दशक अगाडिको सेरोफेरोको हो । जतिबेला हाम्रो बाबा र स्वरसम्राट नारायण गोपालको गहिरो मित्रता थियो । उहाँ हाम्रो चाबहिल बुलबुलेस्थित घरमा प्रायःजसो आइरहनुहुन्थ्यो । नारायणगोपाल बाबाको कोठमा भएको हारमोनियम बजाइरहनुहुन्थ्यो । हामीलाई राम्रोसँग सम्झना छ- अरूणा लामाले गाएको ‘उदास मेरो जीवनकथा कसैलाई भनिनँ’ गीत रेकर्ड गर्नुअगाडि हाम्रो घरको त्यो सानो कोठामा नारायण गोपालले हारमोनियम बजाई अरुणा लामाले पटक–पटक अभ्यास गर्नुभयो ।

त्यो समयमा गीतको सिर्जना गर्न शब्द, संगीत र स्वरमात्र हुन्थ्यो । अभ्यासले गीतमा मिठास ल्याउँथ्यो । अन्य कुनै प्रविधि थिएन ।

त्यहीदिन हाम्रो आँगनमा खिचिएको फोटो हाम्रो सम्झनाको साक्षी बनेको छ । हामीहरू साना उमेरकै थियौं । रमाइलो लाग्थ्यो फोटो खिचेको ।  हामी ढोकाको चेपबाट चियाएर हेर्थ्यौं । संगीतकार, गायकहरू आउने दिन आमाले मीठा-मीठा खाजा बनाउनुहुन्थ्यो । हामी केटाकेटीलाई ती दिन असाध्यै रमाइलो लाग्थ्यो, किनकी मीठा परिकार खान पाउने अनि रेडियोमा स्वरमात्र सुनेका र तस्वीरमात्र देखेका व्यक्तिलाई हामी अंकल भनेर सम्बोधन गर्न पाउँथ्यौं । हामी बडो गर्वका साथ अरूहरूलाई घरको साहित्यिक कुरा सुनाउथ्यौं ।

जीवनभर कान नसुन्ने भएपनि हामी छोराछोरीले ठूलो आवाजमा बाबासँग कहिल्यै बोल्नुपरेन । उहाँ हाम्रो ओठको भाषा बुझ्नुहुन्थ्यो । आँखाको भाका बुझ्नुहुन्थ्यो, अनुहारको भाव बुझ्नुहुन्थ्यो । आवाज नै चाहिने थिएन बाबासँग बोल्न !

गायिका कोइलीदेवी कुनै समय हाम्रो घरको तल्लो तलामै बस्नुहुन्थ्यो । त्यहीबेला उदितनारायण झा भर्खर राजविराजबाट काठमाडौं आएका थिए । अनि रेडियो नेपालमा गीत रेकर्ड गर्न प्रयासरत रहँदा उहाँ पनि हाम्रो घरमा आउनुहुन्थ्यो । हामी उहाँलाई ‘उदित दाइ !’ भनेर आदरपूर्वक सम्बोधन गर्थ्यौं । उहाँ पनि हाम्रो बाबालाई दाइ नै भन्नुहुन्थ्यो । उहाँको काठमाडौं बसाइको कठिन समयमा हाम्रो बाबा–आमाले धेरै मद्दत गर्नुभएको थियो । उहाँले कोइलीदेवीको संगीतमा बाबाको गीत पनि गाउनुभएको थियो । हाल उहाँको परिचयको स्वरूप बदलिएको अवस्थामा यी कुराहरू सायदै मान्य होलान् ।

बाबाको मनपर्ने गायकमध्ये दीप श्रेष्ठ पनि एक हुनुहन्छ ।  उहाँसँगको मित्रताले दाइ–भाइको रूप लिएको छ । दीप श्रेष्ठले गाएको ‘हुँ यात्री एउटा’ बोलको गीत ‘दीप सरको प्रिय–गीत हो’ भनिरहनुहुन्थ्यो । यसो त बाबाको साहित्यिक तथा गीति–यात्राका सहयात्रीहरू स्रष्टासँगका अनमोल पलहरू हाम्रा मानसपटलमा अनगिन्ती छन् । ती सबै यसमा समेट्न सकेनौं । तर, बाबाको यात्रालाई अविस्मरणीय बनाउने कोसिसमा हाम्रा कर्म चलिरहनेछन् ।

सत्र वर्षअगाडि आमाले छोडेर गएपछि हाम्रा लागि बाबा नै आमासरह बन्नुभयो । हामीलाई आमाको अभाव नहोस् भनी उहाँ प्रयास गरिरहनुहुन्थ्यो । अनि आफ्नो एक्लोपनलाई सायद कविता तथा भजनमा व्यक्त गर्नुहुन्थ्यो बाबा । हरदम शब्दसँगै रमाउने बाबाको बानी थियो । कान नसुन्ने भएकोले उहाँसँग भेट गर्न आउने व्यक्तिहरूले उहाँसँग कापीमा लेखेर कुरा गर्थे । उहाँको नजिकै टेबलमाथि क्लिपबोर्ड, त्यसमा कागजका पानाहरू र एउटा कलम हुन्थ्यो । जसमा लेखेर उहाँसँग अरुले कुरा गर्थे । हामीलाई त्यो बेला हेक्का भएन तर अहिले लाग्छ ती अक्षर, ती कुराकानी विभिन्न कालजयी स्रष्टाहरूको इतिहास बन्दथ्यो । हस्तलिपीको नमुना बन्दथ्यो ।

सादा जीवन र उच्च विचारलाई पहिल्याई सरल जीवन जिउने, हरेक पल सकारात्मक सोच राखी कहिले नाति–नातिनासँग खेल्दै, कहिले शब्दसँग खेल्दै समय बितिरहेको थियो बाबाको । अचानक कोरोनाको कहरको कारण उहाँ घरभित्रै पर्नुभयो । विस्तारै–विस्तारै उहाँ आफैं बिरामी पर्न थाल्नुभयो । पहिला उहाँलाई विस्मृतिले पछ्याउँदै गयो, जसले गर्दा आफ्नो बाल्यकालमात्र सम्झना हुने तर वर्तमानका आफ्ना बालबच्चालाई नचिन्ने रोग भयो । तर जीवनभर कान नसुन्ने भएपनि हामी छोराछोरीले ठूलो आवाजमा बाबासँग कहिल्यै बोल्नुपरेन । उहाँ हाम्रो ओठको भाषा बुझ्नुहुन्थ्यो । आँखाको भाका बुझ्नुहुन्थ्यो, अनुहारको भाव बुझ्नुहुन्थ्यो । आवाज नै चाहिने थिएन बाबासँग बोल्न !

विस्मृति (बिर्सने रोग) अचम्मको रोग रहेछ । छोराछोरी बिर्सने, खान बिर्सने, भर्खर खाएको बिर्सने हुनेरहेछ । त्यही कारण उहाँले हामीलाई बिर्सनुभयो, खान बिर्सनुभयो, अनि हिँड्न पनि बिर्सनुभयो । हामी सानो हुँदा हात समाएर डोहोर्‍याउनुहुन्थ्यो । सधैं हाम्रो कुशल अभिभावक हुनुहुन्थ्यो । तर समयले कोल्टे फेर्‍यो । हामी उहाँको अभिभावकजस्ता बन्यौ । उहाँलाई खुवाउने, डोहोर्‍याउने, सुताउने आदि हाम्रो दिनचर्या बन्यो । हामीलाई आशा थियो– बाबालाई ठीक हुन्छ भन्ने । तर,  हामीले सोचेजस्तो भएन । उहाँको शरीर दिनदिनै कमजोर हुँदै गयो ।

कान त कमजोर छँदै थियो साथै संसार निहार्ने दृष्टि पनि कमजोर हुँदै गयो । अब उहाँ र हाम्रो कुरा गर्ने माध्यम स्पर्शमात्र भयो । हाम्रो हातको स्पर्श पाउँदा बलियोसँग समात्नुहुन्थ्यो बाबा । सायद उहाँलाई हाम्रो साथ छुट्ने डर थियो । तिनै औंलाहरूले कलम चलाएर लाखौंको मनमा बस्न सकेका बाबाको औंलाले हाम्रो हात मजबुत समाएका थिए, जीवनको अन्तिम समयमा । भगवानको इच्छा त्यही थियो सायद, उहाँको औंला हामीबाट फुस्कियो, स्पर्श छुट्यो, उहाँको स्वास रोकियो । हामी छोराछोरीका प्यारा बाबा, देशलाई औधी माया गर्ने साहित्यकारको अन्त्य भयो ।

बावाको जन्मदिन माघ–२ गते सधैं हाम्रो बुलबुलेको घरमा चहलपहल हुन्थ्यो । हामी छोराछोरी भेला भई बाबाको जन्मदिन मनाउँथ्यौं । उहाँ पनि खुसी हुनुहुन्थ्यो । यसपटक पनि त्यो दिन आउँदै थियो । उहाँको जन्मदिन मनाउने तयारीमा थियौं तर हामीलाई त्यो मौका भगवानले दिनुभएन । जन्मदिनको दिन उहाँको मृत्यु भएको सातौं दिन भएको थियो ।

बाबाको विछोडले अशान्त मन लिएर हामी उहाँको कोठामा पस्यौं । त्यहाँ उहाँले कविता लेख्ने कागजमा लेखेको एक कविता भेट्यौं, जुन हाम्रो अनुमानमा अन्तिम हुनुपर्छ भन्ने लाग्यो । त्यो कविता आफ्नो देहावसानको पूर्वआभास भएझैं गरी हाम्रो लागि लेखिएको रहेछ । जुन कवितामा  बाबाले हामी सन्ततिलाई छोडेर, आमासँग मिल्न जाने भाव व्यक्त गर्नुभएको पाइन्छ । त्यो कविताले हाम्रो विक्षिप्त मनभित्र भएको विछोडको पीडा झनै बल्झायो ।

हामीलाई मन छ, बाबाको इच्छाअनुसार आमासँग मिलन होस् । हामी तीन छोरीको तर्फबाट हार्दिक श्रद्धाञ्जली बाबा ! हार्दिक श्रद्धाञ्जली !

(कवि भैरवनाथ रिमाल कदमको १३ औं दिनको पुन्यतिथिमा उनका छोरीहरूको संस्मरण लेख)

]]>
नयाँ दिल्लीमा एक नेपाली विद्यार्थीले गरे आत्महत्या https://najiknews.com/news/6218 Thu, 21 Jan 2021 14:50:50 +0545 https://najiknews.com/news/6218 नयाँ दिल्ली जाने तयारीमा रहेको बताए। उनका अनुसार मदनको शव गुल्मी चन्द्रकोट नगरपालिका–७ स्थित घरमा ल्याउन अझै केही दिन लाग्नेछ। नयाँ दिल्ली : भारतको राजधानी नयाँ दिल्लीमा अध्ययनरत एक नेपाली विद्यार्थीले आत्महत्या गरेका छन्। चार्टर्ड एकाउन्टेन्टको अन्तिम वर्षका विद्यार्थी मदन भण्डारीले आत्महत्या गरेको खबर पाएको गुल्मीका गोपाल थापाले जानकारी दिए।

गोपालका अनुसार मदनले सुसाइड गरेको जानकारी भारतीय प्रहरीले उनलाई ३ दिनअघि दिएको थियो। मदनका हजुरबुवा यज्ञमूर्ति भण्डारीले नातिको अन्तिम संस्कार गर्न शव ल्याउन आफन्तसहितको समूह नयाँ दिल्ली जाने तयारीमा रहेको बताए। उनका अनुसार मदनको शव गुल्मी चन्द्रकोट नगरपालिका–७ स्थित घरमा ल्याउन अझै केही दिन लाग्नेछ।

 

]]>
प्रधानमन्त्री कपमा सुनील धमलाको शतक https://najiknews.com/news/6217 Thu, 21 Jan 2021 14:44:55 +0545 https://najiknews.com/news/6217 धमलाको शतक दीपेन्द्र सिंह ऐरीको ८५ रन, अनि पवन सर्रासफ १३ बलमै अर्धशतक मद्दतमा पुलिसले लुम्बिनीलाई ३११ रनको लक्ष्य दिएको छ । धमलाले अघिल्लो खेलमा सुदूरपश्चिम विरुद्ध अर्धशतक प्रहार गरेका थिए ।  काठमाडौं : नेपाल पुलिस क्लबका सुनील धमलाले प्रधानमन्त्री कप पुरुष क्रिकेट प्रतियोगितामा शतक प्रहार गरेका छन् ।

प्रतियोगिता अन्तर्गत बिहीबार कीर्तिपुरस्थित त्रिवि क्रिकेट मैदानमा भएको लुम्बिनी प्रदेश विरुद्धको खेलमा धमलाले १०४ रन बनाएका हुन् । धमलाले राष्ट्रिय प्रतियोगितामा शतक प्रहार गरेको यो पहिलो पटक हो ।

ओपनिङमा आएका धमलाले शतक पूरा गर्न ४४ ओभरसम्म कुर्नुपरेको थियो । उनले १४२ बल खेल्दै ७ चौका र १ छक्का मद्दतमा शतक पूरा गरेका थिए । ४३ औं ओभरको चौथो बलमा लुम्बिनीका कप्तान कृष्ण कार्कीलाई १ रन प्रहार गर्दै उनले शतक पूरा गरेका थिए ।

त्यसपछि अर्को ओभरमा धमला आउट भए । लुम्बिनीका अनिल खरेलले विकेटकिपर सुशान्त थापाबाट धमलालाई स्टम्पिङ गराएका थिए ।

पहिलो सिजनदेखि नै पुलिसबाट प्रधानमन्त्री कप खेल्दै आएका धमलाले चौथो संस्करणमा आएर शतक पूरा गरेका हुन् । उनलाई ढिला खेल्ने खेलाडीको रुपमा चिनिन्छ । तर टिमको इनिङ्स एक छेउबाट सम्हाल्दै ब्याटिङ गर्नु उनको विशेषता हो ।

धमलाको शतक दीपेन्द्र सिंह ऐरीको ८५ रन, अनि पवन सर्रासफ १३ बलमै अर्धशतक मद्दतमा पुलिसले लुम्बिनीलाई ३११ रनको लक्ष्य दिएको छ । धमलाले अघिल्लो खेलमा सुदूरपश्चिम विरुद्ध अर्धशतक प्रहार गरेका थिए ।

]]>
पीएम कपमा एपीएफको लगातार दोस्रो जित, गण्डकी बाहिरियो https://najiknews.com/news/6216 Thu, 21 Jan 2021 14:38:42 +0545 https://najiknews.com/news/6216 बलिङमा कमल सिंह ऐरीको ४ विकेट र आसिफ शेखको ७८ रनको मद्दतमा एपीएफले गण्डकीलाई सहजै पराजित गरेको हो ।  विभागीय टोली एपीएफले प्रधानमन्त्री (पीएम) कप पुरुष राष्ट्रिय क्रिकेटमा लगातार दोस्रो जित हात पारेको छ । समूह ए अन्तर्गत बिहीबार मुलपानी क्रिकेट मैदानमा भएको खेलमा एपीएफले गण्डकी प्रदेशलाई ६ विकेटले पराजित गरेको हो ।

प्रतियोगितामा तेस्रो हार बेहोरेको गण्डकी भने प्रतियोगिताबाट बाहिरिएको छ । गण्डकीले चार खेल खेल्दा एक खेलमा मात्र जित हात पारेको थियो ।

बलिङमा कमल सिंह ऐरीको ४ विकेट र आसिफ शेखको ७८ रनको मद्दतमा एपीएफले गण्डकीलाई सहजै पराजित गरेको हो ।

गण्डकीले दिएको १०७ रनको लक्ष्य एपीएफले १७.४ ओभर खेल्दा ४ विकेट गुमाएर पूरा गरेको हो । ओपनर सुबा खकुरेल र रित गौतम खाता नखोली आएट भएपनि अर्का ओपनर आसिफले अर्धशतक प्रहार गर्दै एपीएफलाई जितसम्म पुर्‍याए ।

स्कोर बराबर हुँदा आसिफलाई गण्डकीका विशाल पौडेलले एलबीडब्लु गरेका थिए । आसिफले ५६ बल खेल्दै ५ चौका र ६ छक्का प्रहार गरे ।

यस्तै सुमित महर्जनले १८ रन बनाए । कप्तान शरद भेषावकर ५ र भुवन कार्की १ रनमा अविजित रहे ।

गण्डकीका चन्द्र पौडेलले र विशाल पौडेलले २-२ विकेट लिए ।

त्यसअघि टस हारेर पहिले ब्याटिङ गरेको गण्डकी ४६ ओभर खेल्दै १०६ रनमा अलआउट भएको थियो । गण्डकीका लागि ओपनर समिर कँडेलले सर्वाधिक ३६ रन बनाए । यस्तै विष्णु पाण्डेले र दिपेश खत्रीले समान १५ र दिनेश बुढामगरले १२ रन जोडे ।

बाँकी खेलाडी दोहोरो अंकमा रन नजोडी आउट भए ।

एपीएफका कमल सिंह भरीले १० ओभरमा ३ ओभर मेडन राख्दै ११ रन मात्र खर्चेर ४ विकेट लिए । यस्तै अभिनाश बोहराले ८ ओभरमा २ मेडन राख्दै १८ रन खर्चेर २ विकेट लिए । कप्तान शरद भेषावकरले २ र किशोर महतोले १ विकेट लिए ।

 
]]>
कविताको फिल्म नचलेपछि करिश्मा लेख्छिन्–‘तर, बच्चा त राम्रो थियो’ https://najiknews.com/news/6215 Thu, 21 Jan 2021 14:36:40 +0545 https://najiknews.com/news/6215 कविता र शक्ति राम्रो भएपनि चलचित्र रिलिज सही ढंगले गर्न नसक्दा चलचित्र असफल भएको वुझाई करिश्माको छ । करिश्माले चलचित्र जस्तो भएपनि बच्चा त राम्रो थियो नी भनेर कविताको प्रशंसा त गरेकी छिन् । तर, के कविताले चलचित्र यात्रालाई निरन्तरता देलिन् त ? नायिका करिश्मा मानन्धरको क्रेज नेपाली चलचित्रमा आज पनि उस्तै छ । भलै, उनका चलचित्रले बक्स अफिसमा राम्रो व्यापार गर्दैनन्, तर पर्दा बाहिर उनको लोभलाग्दो क्रेजमा कमी आएको छैन ।

करिश्माको सुन्दरताको आज पनि उस्तै चर्चा हुन्छ । कुनै समय नेपाली चलचित्र क्षेत्रमा एकछत्र राज गरेकी करिश्मा आफ्नी छोरी कविता मानन्धरलाई पनि यही क्षेत्रमा अगाडि ल्याउन चाहन्थिन् । करिश्माको योजना त उनले नै निर्देशन गर्ने चलचित्रबाट छोरीलाई यो क्षेत्रमा डेब्यू गराउने भन्ने थियो । तर, यो सफल हुन सकेन ।

आफ्ना साथी शिव श्रेष्ठले कवितालाई डेब्यू गराउन चाहेपछि करिश्माले हुँदैन भन्न सकिनन् । यसपछि, कविता चलचित्र ‘एउटा यस्तो प्रेम कहानी’को नायिका बनिन् । तर, चलचित्र निर्माण सुरु गर्दा जुन जोशका साथ काम अगाडि बढेको थियो, त्यो विचमा गएर रोकियो । चलचित्र नै रिलिज हुने या नहुने भन्ने दुविधा उत्पन्न भयो ।

यतीसम्म कि, चलचित्रको स्क्रिप्ट अनुसार पूर्ण दृश्य नै खिचिएन । चलचित्रका कलाकारको डबिङ नै गरिएन । शिव श्रेष्ठ जस्ता कलाकारले बनाएको चलचित्रमा किन यति हेलचक्राई भयो यो शिवले नै जान्ने कुरा हो । तर, उनले आफ्नै छोरा शक्ति श्रेष्ठ र करिश्माकी छोरी कविताको करिअर नै समस्यामा पारिदिएका छन् ।

माघ १ गतेबाट चलचित्र रिलिज भएपनि दर्शक हलसम्म आएनन् । चलचित्रले पोष्टरको पैसा पनि उठाउन सकेन । चलचित्र रिलिज हुने भन्ने चर्चासँगै नायिका करिश्मा मानन्धरले असन्तुष्टी जनाउँदै आएकी थिइन् । उनले, छोरीको धेरै दृश्यहरु काटिएको भन्दै असन्तुष्टी व्यक्त गर्दै आएकी थिइन् । जसलेगर्दा, करिश्मा र शिवको मित्रतामा समेत फाटो आएको छ ।

तर, चलचित्र रिलिज भएर पत्तासाफ भएपछि करिश्माले सामाजिक संजालमा यसको शिर्ष गीत शेयर गर्दैै लेखेकी छिन्–‘अरुलाई दोश दिएर महत्वपूर्ण बनाउन चाहन्नँ । तर, बच्चा त राम्रो थियो ।’

करिश्माले चलचित्र रिलिज अगाडि पनि यसको बिषयमा कुरा गरेर शिव श्रेष्ठलाई चर्चामा ल्याउन चाहेकी थिइनन् । चलचित्र रिलिज भएपछि पनि उनको रिस शिवसँग कम भएको छैन । उनले अरुलाई दोष दिएर महत्वपूर्ण बनाउन नचाहने उल्लेख गर्नुको कारण पनि यही हो । तर, उनले बच्चा राम्रो थियो भनेर कविता र शक्तिको कामको भने प्रशंसा गर्न खोजेको देखिन्छ ।

कविता र शक्ति राम्रो भएपनि चलचित्र रिलिज सही ढंगले गर्न नसक्दा चलचित्र असफल भएको वुझाई करिश्माको छ । करिश्माले चलचित्र जस्तो भएपनि बच्चा त राम्रो थियो नी भनेर कविताको प्रशंसा त गरेकी छिन् । तर, के कविताले चलचित्र यात्रालाई निरन्तरता देलिन् त ?

]]>
नयाँ स्वरूपको कोरोना भाइरस विश्वका ६० देशमा पुग्यो https://najiknews.com/news/6214 Thu, 21 Jan 2021 13:01:49 +0545 https://najiknews.com/news/6214 विश्वमा कोरोना भाइरसबाट मृत्यु हुनेको संख्या २० लाखभन्दा बढी पुगेको छ । यता बेलायतबाट निस्किएको भनिएको कोरोना भाइरसको नयाँ संक्रमण पनि बढ्दो रूपमा विश्वमा बढ्दै गएको बताइएको छ । संगठनका अनुसार पछिल्लो एक सातामा मात्र कोरोना संक्रमणबाट करिब ९३ हजार जनाको ज्यान गएको छ । कोरोनाको नयाँ स्वरूपको भाइरस विश्वका कम्तीमा पनि ६० देशमा पुगेको दाबी गरिएको छ । अन्तर्राष्ट्रिय समाचार एजेन्सीहरूले यो संक्रमण विश्वका ६० देशमा पुगिसकेको दाबी गरेका छन् ।

विश्व स्वास्थ्य संगठन (डब्ल्युएचओ)ले बुधबार दिएको जानकारीअनुसार सो भाइरस यो सातामा मात्रै विश्वका १० देशमा पुगेको हो । संगठनले महामारीको नयाँ स्वरूप दिन प्रतिदिन नयाँ–नयाँ देशमा पुगिरहेको जनाएको छ । 

विश्वमा कोरोना भाइरसबाट मृत्यु हुनेको संख्या २० लाखभन्दा बढी पुगेको छ । यता बेलायतबाट निस्किएको भनिएको कोरोना भाइरसको नयाँ संक्रमण पनि बढ्दो रूपमा विश्वमा बढ्दै गएको बताइएको छ । संगठनका अनुसार पछिल्लो एक सातामा मात्र कोरोना संक्रमणबाट करिब ९३ हजार जनाको ज्यान गएको छ । 

तर, त्यसमा यो नयाँ स्वरूपको भाइरसका कारण के–कस्तो क्षति पुगेको छ भन्नेबारे भने केही अनुसन्धान भएको छैन । गएको सात दिनमा विश्वमा कोरोना भाइरसका थप ४७ लाख  संक्रमित थपिएका छन् । पछिल्लो समय युरोपमा भित्रिएको खोपका कारण धेरै नागरिकमा आशा पलाएको छ । युरोपेली युनियनले पछिल्लो तथ्यांकमा भनेको छ कि आगामी अगष्ट महिनाको अन्तिमसम्ममा विभिन्न युरोपेली देशका करिब ७० प्रतिशत नागरिकलाई यो खोप दिइसकिने भएको छ । 

रासस/एएफपी

]]>
काठमाडौंमा हुने स्नुकरका लागि रुपन्देहीबाट चार खेलाडी छनोट https://najiknews.com/news/6213 Thu, 21 Jan 2021 12:52:59 +0545 https://najiknews.com/news/6213 उत्कृष्ट चारजना खेलाडीलाई पुल तथा स्नुकर संघका केन्द्रीय सदस्य हरि क्षेत्री, रुपन्देही पुल तथा स्नुकर संघका अध्यक्ष गजेन्द्रमान श्रेष्ठ,सल्लाहकार सन्जय बज्राचार्य लगायतले ट्रफी तथा प्रमाणपत्र प्रदान गरेका छन् । काठमाडौंमा हुने राष्ट्रिय स्तरको स्नुकर प्रतियोगिताका लागि रुपन्देहीबाट चारजना खेलाडी छनोट भएका छन् ।

काठमाडौंमा माघ २४ गतेदेखि हुने चक्र लामा/किसन लामा स्मृति खुल्ला प्रतियोगितामा सहभागिताका लागि बुटवलमा भएको छनोट खेलबाट सुजन पुन (प्रथम), शिशिर गुरुङ (दोस्रो) तथा सुमित तुलाधर र शारन राणा (सेमिफाइनलिस्ट) छनोट भएका हुन् ।

खेलाडी छनोटका लागि रुपन्देही पुल तथा स्नुकर संघले माघ २ गतेदेखि ७ गतेसम्म बुटवलमा वार्मअप टुर्नामेन्ट (अभ्यास खेल प्रतियोगिता) आयोजना गरेको थियो ।

उत्कृष्ट चारजना खेलाडीलाई पुल तथा स्नुकर संघका केन्द्रीय सदस्य हरि क्षेत्री, रुपन्देही पुल तथा स्नुकर संघका अध्यक्ष गजेन्द्रमान श्रेष्ठ,सल्लाहकार सन्जय बज्राचार्य लगायतले ट्रफी तथा प्रमाणपत्र प्रदान गरेका छन् ।

सो अवसरमा स्नुकर खेलाडीलाई सहयोगका लागि स्थापना गरिएको अक्षयकोषका लागि संघका संस्थापक अध्यक्ष एवं केन्द्रीय सदस्य हरि क्षेत्रीले ५० हजार र जिल्ला अध्यक्ष श्रेष्ठले १० हजार रुपैयाँ जम्मा गरेका छन् ।

अजिमा स्नुकर हाउसको आयोजनामा काठमाडौंमा हुने प्रतियोगिताको विजेताले २ लाख नगद पुरस्कार पाउने छन् ।

]]>
१३ बलमै पवन सर्राफको अर्धशतक https://najiknews.com/news/6212 Thu, 21 Jan 2021 12:51:42 +0545 https://najiknews.com/news/6212 पवनले खलेको अन्तिम ओभरमा ४ छक्कासहित २८ रन बनाएका थिए । प्रधानमन्त्री कप इतिहासमा पवनले सबैभन्दा छिटो अर्धशतक प्रहार गरेका हुन् । नेपाल पुलिस क्लबका पवन सर्राफले १३ बलमै अर्धशतक प्रहार गरेका छन् । प्रधानमन्त्री कप पुरुष राष्ट्रिय क्रिकेट प्रतियोगिता अन्तर्गत बिहीबार लुम्बिनी प्रदेशविरुद्धको खेलमा पवनले १३ बलै ५० रन बनाए । उनले १ चौका र ६ छक्का प्रहार गर्दै अर्धशतक पूरा गरेका हुन् ।

पवनले खलेको अन्तिम ओभरमा ४ छक्कासहित २८ रन बनाएका थिए । प्रधानमन्त्री कप इतिहासमा पवनले सबैभन्दा छिटो अर्धशतक प्रहार गरेका हुन् ।

सुनिल धमलाको शतक, दीपेन्द्र सिंह ऐरीको अर्धशतक अनि पवनको आक्रमक अर्धशतक मद्दतमा पुलिसले लुम्बिनीलाई ३११ रनको लक्ष्य दिएको छ ।

टीयू मैदानमा टस हारेर पहिले ब्याटिङ गरेको पुलिसले ५० ओभर खेल्दै ४ विकेट गुमाएर ३१० रन बनाएको हो ।

पुलिसका लागि धमलाले १४५ बल खेल्दै ७ चौका र १ छक्का मद्दतमा १०४ रन बनाए । यस्तै दिपेन्द्र सिंह ऐरीले ६१ बल खेल्दै ६ चौका र १ छक्का मद्दतमा ८५ रन बनाए । अमित श्रेष्ठले २८ रन जोडे । कुशल भुर्तेल ६ रन बनाएर आउट भए ।

पवन ५० रनमा अविजित रहे । यस्तै आरिफ शेख २९ रनमा अविजित रहे । आरिफले १४ बल खेल्दै २ चौका र २ छक्का प्रहार गरे ।

 

]]>
काठमाडौं पुग्यो कोरोनाविरुद्धको खोप https://najiknews.com/news/6211 Thu, 21 Jan 2021 12:47:35 +0545 https://najiknews.com/news/6211 अक्सफोर्ड÷एस्ट्राजेनेकाले विकास गरेको तथा सेरम इन्स्टिच्युट अफ इन्डियाले उत्पादन गरेको कोभिसिल्ड खोप भारतले नेपाललाई दिन लागेको हो । सो खोप विमानस्थलाई नेपालका लागि भारतीय राजदूत विनयमोहन क्वात्राले स्वास्थ्य मन्त्रालयलाई खोप हस्तान्तरण गर्नेछन् । भारतले नेपाललाई अनुदानमा उपलब्ध गराएको कोरोनाविरुद्धको खोप आज काठमाडौं आएको छ । केहीबेरअघि एयर इन्डियाको विमानबाट कोरोनाविरुद्धको खोप त्रिभुवन अन्तर्राष्ट्रिय विमानस्थलमा आइपुगेको हो ।

भारतले बुधबार नेपाललाई १० लाख डोज कोरोना खोप अनुदानमा दिने घोषणा गरेको थियो । अक्सफोर्ड÷एस्ट्राजेनेकाले विकास गरेको तथा सेरम इन्स्टिच्युट अफ इन्डियाले उत्पादन गरेको कोभिसिल्ड खोप भारतले नेपाललाई दिन लागेको हो । सो खोप विमानस्थलाई नेपालका लागि भारतीय राजदूत विनयमोहन क्वात्राले स्वास्थ्य मन्त्रालयलाई खोप हस्तान्तरण गर्नेछन् ।

ती खोपलाई टेकुस्थित स्वास्थ्य सेवा विभागमा भण्डारण गरिनेछ । नगर प्रहरीले स्कर्टिङ गरी खोप टेकुसम्म पुर्याउने छ । त्यसपछि स्वास्थ्य सेवा विभागबाट प्रत्येक प्रदेशको भण्डारण केन्द्रमा खोप पठाइनेछ ।

तोकिएका खोप केन्द्रहरुबाट पहिलो चरणमा स्वास्थ्यकर्मी, सफाइकर्मी, सुरक्षाकर्मी, एम्बुलेन्स चालक, शव व्यवस्थापन गर्ने टोलीलगायतलाई खोप दिइने मन्त्रालयले जनाएको छ ।

]]>
धनुषामा १० वर्षअघि गोली हानेर हत्या गर्ने व्यक्ति सिरहाबाट पक्राउ https://najiknews.com/news/6210 Thu, 21 Jan 2021 12:38:42 +0545 https://najiknews.com/news/6210 उनीहरुले सोनारको हत्या गरेपछि मोटरसाइकल, नगद २५ हजार, आधी ताला सुनको औंठी, एक तोला सुनको सिक्री, चाँदीको ब्रासलेट एक थान र मोबाइल एक थान लुटेका थिए । हत्यापछि मृतककी पत्नी शकुन्तला थापा समेतले जिल्ला प्रहरी कार्यालय धनुषामा जाहेरी दिएका थिए । जनकपुरधाम : दश वर्षअघि धनुषामा एक जनाको गोली हानी हत्या गर्ने व्यक्तिलाई सिरहा प्रहरीले पक्राउ गरेको छ । पक्राउ पर्नेमा धनुषाको गणेशमान चारनाथ नगरपालिका–२ (साविकको भरतपुर गाविस–८) बस्ने ३४ वर्षीय जागेश्वर यादव छन् ।

यादवले २०६८ साल भदौ २९ गते सिरहाको तत्कालीन धनगढी गाविस ९ बस्ने श्रीप्रसाद साह सोनारको गोली हानी हत्या गरेका थिए । बा. ११ प ४९४२ नम्बरको मोटरसाइकल चढेर धनुषाका तत्कालीन भरतपुर गाविसस्थित वीरेन्द्र बजारमा फुटबल खेल्न आएका सोनारलाई जागेश्वर यादव समेतले गोली प्रहार गरी हत्या गरेर शव स्थानीय बालुवाखोलाको काटा झारीमा फ्याँकेका थिए ।

उनीहरुले सोनारको हत्या गरेपछि मोटरसाइकल, नगद २५ हजार, आधी ताला सुनको औंठी, एक तोला सुनको सिक्री, चाँदीको ब्रासलेट एक थान र मोबाइल एक थान लुटेका थिए । हत्यापछि मृतककी पत्नी शकुन्तला थापा समेतले जिल्ला प्रहरी कार्यालय धनुषामा जाहेरी दिएका थिए ।

यादवलाई इलाका प्रहरी कार्यालय मिर्चैयाको टोलीले घुमफिर गरिरहेको अवस्थामा मिर्चैया नगरपालिका ३ बाट बुधबार साँझ पक्राउ गरेको सिरहा प्रहरीका प्रवक्ता शालिग्राम शर्माले जानकारी दिए । पक्राउ परेका यादवलाई थप अनुसन्धानका लागि धनुषा प्रहरीको जिम्मा लगाइएको उनले बताए ।

]]>
सुनको मूल्य तोलामा ६०० रूपैयाँले बढ्यो https://najiknews.com/news/6209 Thu, 21 Jan 2021 12:35:45 +0545 https://najiknews.com/news/6209 यस्तै तेजाबी सुन प्रतितोला ९२ हजार ६०० मा कारोबार भएको छ । तेजाबी सुन बुधबार तोलामा ९२ हजार रूपैयाँमा कारोबार भएको थियो । काठमाडौं । स्थानीय बजारमा पहेँलो धातुको मूल्यमा आज पनि वृद्धि भएको छ । नेपाल सुन चाँदी व्यवसायी महासङ्घले आजका लागि तोकेको मूल्यअनुसार छापावाल सुन तोलामा नै ६०० रूपैयाँले उकालो लागेको छ ।

प्रतितोला ९२ हजार ५०० मा बुधबार कारोवार भएको छापावाल सुन आज भने ९३ हजार १०० रूपैयाँमा कारोबार हुने गरी मूल्य निर्धारण भएको छ ।

यस्तै तेजाबी सुन प्रतितोला ९२ हजार ६०० मा कारोबार भएको छ । तेजाबी सुन बुधबार तोलामा ९२ हजार रूपैयाँमा कारोबार भएको थियो ।

यस्तै चाँदी तोलामा १५ रूपैयाँले बढेको छ । तोलाको एक हजार २६० रूपैयाँमा बुधबार कारोबार भएको चाँदी आज भने एक हजार २७५ रूपैयाँ निर्धारण भएको छ ।

]]>
मिक्लाजुङका शिक्षकको हत्या आरोपमा विप्लव समूहका मोरङ इन्चार्ज पक्राउ https://najiknews.com/news/6207 Thu, 21 Jan 2021 12:27:46 +0545 https://najiknews.com/news/6207 विकले मिक्लाजुङका शिक्षक राजेन्द्र श्रेष्ठको हत्या गरेको प्रहरीले दाबी गरेको छ । उनको साथबाट सेमी अटोमेटिक पेस्तोल एक थान, गोली ३ थान लगायतका हतियार र को २४ प ४००५ नम्बरको मोटरसाइकलसमेत बरामद गरिएको प्रहरी नायव उपरीक्षक मानबहादुर राईले जानकारी दिएका छन् । काठमाडौं । नेकपा विप्लव समूहका मोरङ जिल्ला इन्चार्ज डिबि सिलवाल भन्ने धन बहादुर विकलाई प्रहरीले पक्राउ गरेको छ ।

उनलाई मोरङको बुढीगंगा गाउँपालिका ४ बाट बुधबार दिउँसो २ बजे पक्राउ गरिएको जिल्ला प्रहरी कार्यालय मोरङले बिहीबार जानकारी दिएको छ ।

विकले मिक्लाजुङका शिक्षक राजेन्द्र श्रेष्ठको हत्या गरेको प्रहरीले दाबी गरेको छ । उनको साथबाट सेमी अटोमेटिक पेस्तोल एक थान, गोली ३ थान लगायतका हतियार र को २४ प ४००५ नम्बरको मोटरसाइकलसमेत बरामद गरिएको प्रहरी नायव उपरीक्षक मानबहादुर राईले जानकारी दिएका छन् ।

उनलाई जिल्ला प्रहरी कार्यालय मोरङमा ल्याई हातहतियार खरखजना कसूरमा थप अनुसन्धान कार्य भइरहेको प्रहरीले जनाएको छ ।

]]>
एक सातामा विजयको ‘मास्टर’ले कमायो १५० करोड https://najiknews.com/news/6206 Thu, 21 Jan 2021 12:26:10 +0545 https://najiknews.com/news/6206 यो चलचित्रले एक सातामा तमिलनाडुमा मात्र ९६ करोडको व्यापार गरेको छ । यस्तै, आन्ध्र प्रदेशमा २४ करोड, कर्नाटकमा १४ करोड र हिन्दी भाषामा ५ करोडको व्यापार चलचित्रले गरेको छ । कोरोना महामारीका विच रिलिज भएको साउथ चलचित्र ‘मास्टर’ले भारतीय बक्स अफिसमा बम्पर व्यापार गरेको छ । ५० प्रतिशत अकुपेन्सीमा रिलिज भएको चलचित्रले एक सातामा १५० करोड ग्रस कलेक्शन गरेको छ ।

कोरोनाका कारण हलहरु सुनसान रहेको अवस्थामा साउथका सुपरस्टार नायक विजयको चलचित्र ‘मास्टर’ले दर्शक हलसम्म फर्काउन सफल भएको हो । तमिलनाडुका केही हलमा यो चलचित्र शत प्रतिशत अकुपेन्सीमा रिलिज भएको थियो । सुरक्षा मापदण्ड उल्लंघन गरेको भन्दै ती हलहरुहरुलाई कारवाही गर्ने तयारी प्रहरीले गरेको छ ।

तर, यसको फाइदा चलचित्रको बक्स अफिस कलेक्शनमा भयो । विजयको यो पाँचौ चलचित्र हो, जसले भारतीय बक्स अफिसमा १५० करोडको आँकडा पार गर्न सफल भयो । यो चलचित्रले एक सातामा तमिलनाडुमा मात्र ९६ करोडको व्यापार गरेको छ । यस्तै, आन्ध्र प्रदेशमा २४ करोड, कर्नाटकमा १४ करोड र हिन्दी भाषामा ५ करोडको व्यापार चलचित्रले गरेको छ ।

चलचित्रले ओभरसिजमा ४.६ मिलियन डलरको व्यापार गरेको भारतीय मिडियाले बताएका छन् । चलचित्रको निर्माणपक्षले अब ‘मास्टर’लाई ओटीटी प्लेटफर्ममा पनि रिलिज गर्ने तयारी गरेको छ । फ्रेवुअरी १२ मा यो चलचित्र डिजिटल प्लेटफर्ममा रिलिज हुने बताइएको छ ।

]]>
सुदूरपश्चिमाञ्चल विश्वविद्यालयमा पठनपाठन सुरु https://najiknews.com/news/6205 Thu, 21 Jan 2021 12:16:03 +0545 https://najiknews.com/news/6205 यसैगरी, व्यवस्थापन सङ्कायका सम्पूर्ण कक्षासमेत सञ्चालन गर्ने निर्णय गरिएको छ । बिबिए दोस्रो, चैथो, छैटौ, आठौ, बिबिएस दोस्रो वर्ष, तेस्रो वर्ष, एमबिएम दोस्रो सेमेस्टर चौथो सेमेस्टरका कक्षा सञ्चालनका लागि समय निर्धारण गरिएको छ । कञ्चनपुर : सुदूरपश्चिमाञ्चल विश्वविद्यालयमा आजदेखि स्वास्थ्य सुरक्षाका सम्पूर्ण मापदण्ड अपनाई कक्षा सञ्चालन गरिएका छन् । 

कोरोना भाइरस सङ्क्रमण जोखिमका कारण अनलाईनका माध्यमबाट कक्षा सञ्चालन हुँदै आएकोमा अबदेखि शिक्षक तथा विद्यार्थी प्रत्यक्ष रुपमा उपस्थित भई कक्षा सञ्चालन गरिएको हो । विश्वविद्यालयको माघ ५ गतेको वैठकले प्रत्यक्ष रुपमा कक्षामा उपस्थित भई कक्षा सञ्चालन गर्ने निर्णयानुसार सञ्चालन गरिएको मानवीकी तथा सामाजिक शास्त्र सङ्काय विभागका प्रमुख हरिशचन्द्र भट्टले बताए । 

उनका अनुसार स्नातक छैटौ र आठौ सेमेस्टरका लागि बिहान १० बजेदेखि, स्नातक दोस्रो र चौथो सेमेस्टरका लागि बिहान ११ बजेदेखि र स्नातकोत्तर दोस्रो र चौथो सेमेस्टरका लागि दिउँसो ३ बजेदेखि कक्षा सञ्चालन गर्ने व्यवस्था गरिएको छ ।

यसैगरी, व्यवस्थापन सङ्कायका सम्पूर्ण कक्षासमेत सञ्चालन गर्ने निर्णय गरिएको छ । बिबिए दोस्रो, चैथो, छैटौ, आठौ, बिबिएस दोस्रो वर्ष, तेस्रो वर्ष, एमबिएम दोस्रो सेमेस्टर चौथो सेमेस्टरका कक्षा सञ्चालनका लागि समय निर्धारण गरिएको छ ।

विहान ६ बजेदेखि दिउँसो ३ बजेसम्म फरकफरक समयमा कक्षा सञ्चालन गर्ने गरी व्यवस्था गरिएको छ । शिक्षा शास्त्र विभागअन्तर्गत स्नातक र स्नातकोत्तरका कक्षा समेत विहान ८ बजेदेखि दिउँसो ३ बजेसम्म सञ्चालन हुने भएका छन् ।

]]>
छ महिनामा २ सय १६ दुर्घटना https://najiknews.com/news/6204 Thu, 21 Jan 2021 10:08:37 +0545 https://najiknews.com/news/6204 जिल्ला ट्राफिक प्रहरी कार्यालय चितवनका अनुसार सबैभन्दा धेरै पूर्वपश्चिम लोकमार्गमा दुर्घटना भएका छन्। पूर्वपश्चिम लोकमार्गमा ७४ वटा दुर्घटना भएको र ती दुर्घटनामा २२ जनाको ज्यान गएको कार्यालयको तथ्याङ्कमा उल्लेख छ। जिल्लामा चालु आर्थिक वर्षको छ महिनामा २ सय १६ वटा दुर्घटना भएको छ। ती दुर्घटनामा परी ५८ जनाको मृत्यु भएको छ भने ३ सय ६१ जना घाइते भएका छन्। जिल्ला ट्राफिक प्रहरी कार्यालय चितवनका अनुसार सबैभन्दा धेरै पूर्वपश्चिम लोकमार्गमा दुर्घटना भएका छन्। पूर्वपश्चिम लोकमार्गमा ७४ वटा दुर्घटना भएको र ती दुर्घटनामा २२ जनाको ज्यान गएको कार्यालयको तथ्याङ्कमा उल्लेख छ। यस्तै नारायणगढ–मुग्लिन सडक खण्डमा ३४ वटा दुर्घटनामा छ जनाको मृत्यु र पृथ्वी राजमार्गमा भएका १२ दुर्घटनामा सात जनाको मृत्यु भएको छ। भरतपुर नगर (रिङरोड) मा भएका ३७ दुर्घटनामा पाँच जनाको मृत्यु भएको छ भने अन्य सडमा भएका ५८ दुर्घटनामा परी १८ जनाले ज्यान गुमाएका छन्।

 चालु आर्थिक वर्षमा सबैभन्दा बढी दुर्घटना मङ्सिरमा भएका छन्। मङ्सिरमा मात्र ५२ दुर्घटना भएको कार्यालयले जनाएको छ। चालु आवको पुस मसान्तसम्म सवारी दुर्घटनामा परी मृत्यु हुने ५८ जनामध्ये पुरूष ४८, महिला छ, बालक एक र बालिका तीन जना रहेका छन्। छ महिनाको अवधिमा भएका २१६ वटा दुर्घटनामा ३३६ सवारीसाधन संलग्न भएको कार्यालयका प्रमुख प्रहरी निरीक्षक दयाकृष्ण भट्टले जानकारी दिए। उनका अनुसार दुर्घटनामा पर्नेमा सबैभन्दा बढी १६३ वटा मोटरसाइकल रहेका छन्।

 जिल्लामा भएका दुर्घटनामा तीव्र गति मुख्य कारण रहेको उनको भनाइ छ। तीव्र गतिका कारण १६१ वटा दुर्घटना भएको छ। चालकको लापर्बाहीले ३८, ओभरटेकका कारण १०, मादक पदार्थ सेवन गरी सवारी चलाउँदा सात र यात्रुको गल्ती र यान्त्रिक खराबीका कारण एक/एक वटा दुर्घटना भएको उनको भनाइ छ। राजधानी प्रवेश र बाहिरिने मुख्य सडक यसै जिल्ला हुँदै जाने भएकाले सवारी दुर्घटना बढी भएका छन्। जिल्लाका अधिकांश भागमा सवारी साधन पुग्ने र सडकको अवस्था राम्रो नभएकाले पनि दुर्घटना बढेका हुन्। 

]]>
आर्थिक अभाव झेल्दै बलात्कार पीडित परिवार https://najiknews.com/news/6203 Thu, 21 Jan 2021 10:07:42 +0545 https://najiknews.com/news/6203 ५ वर्षमा १ सय ३३ जना बालिका बलात्कारको सिकार भएका छन् । बलात्कृत हुनेमा आर्थिक अवस्था कमजोर भएका विपन्न, बिरामी, अपागंता भएका, दूधे बालिकादेखि वृद्ध महिला पनि छन् । कलिलै उमेरमा बलात्कार जस्तो जघन्य अपराधको सिकार हुँदा बालिकाको शारीरिक र मानसिक वृद्धिमा गम्भीर असर पर्ने चिकित्सक बताउँछन् । रुपन्देहीको तिलोत्तमा–१५ की पाँच वर्षीया बालिका ६ दिनदेखि काठमाडौंस्थित शिक्षण अस्पतालको बेडमा छटपटाइरहेकी छिन् । अस्पतालमा सँगै रहेकी बालिकाकी आमाका अनुसार उनको यौनांगमा गहिरो चोट छ । दिशापिसाबका लागि कोखाबाट पाइप लगाइएको छ । गालामा धारिलो हतियारले काटेर छालामासु निकाले जस्तो डरलाग्दो चोट छ । कलिला ओठमा टोकेर बनाइएको गहिरो घाउ छ । दाहिने आँखाको परेला च्यातिने गरी चोट लागेको छ । 

अधिकांश समय बेहोसी अवस्थामै रहेकी बालिका छिनछिनमा बिउँझँदा चिच्याउँछिन्, छटपटाउँछिन् । माघ २ गते काठमाडौं पुर्‍याइएकी उनलाई आइतबार दिउँसो आइसियुबाट जनरल वार्डमा सारिएको थियो । ‘छोरीलाई आइसियुबाट अर्को कोठामा सारेका छन् । शरीरभरि घाउ छन् । घरीघरी दुख्यो भनेर चिच्याउँछे । अपरेसन गरेपछि अब त बाँच्छे कि भन्ने लागेको छ,’ उनले टेलिफोन कुराकानीमा भनिन् ।

स्थानीय एक कक्षामा पढ्ने पाँच वर्षीया ती बालिका माघ १ गते छिमेककै एक व्यक्तिबाट बलात्कारको सिकार भएकी हुन् । बलात्कारमा संलग्न २८ वर्षीय होमबहादुर बिकलाई प्रहरीले सोही दिन पक्राउ गरेको छ । अभियुक्त कपिलवस्तुको बाणगंगा–१२ घर भई तिलोत्तमास्थित हीरालाल मल्लाहको घरमा कामदारको रुपमा बस्थे । पसलमा सामान किन्न गएकी बालिकालाई बिकले चकलेट दिने भन्दै फकाएर झाडीमा लगी बलात्कार गरेको जिल्ला प्रहरी कार्यालय रुपन्देहीका प्रमुख प्रहरी उपरीक्षक प्रवीण पोखरेलले बताए ।  

घटनाको दिन साँझ ५ बजेतिर बालिका सामान लिन गाउँकै पसलमा गएकी थिइन् । पौने घण्टासम्म छोरी नफर्केपछि आमाले खोजी गरिन् । गाउँमा नभेटिएपछि आफन्तले झाडीतिर खोज्दै जाँदा बाँसको झाङमा बालिका अर्धमूर्छित अवस्थामा भेटिइन् । रगताम्मे भएकी बालिकाको यौनांग, ओठ, आँखा, गाला, घाँटीमा डरलाग्दा चोट थिए । बालिकाका आफन्त हरि मल्लाहका अनुसार छाती र घाँटीमा थिचेको जस्तो निसान थियो । बालिकालाई तत्कालै भैरहवास्थित मेडिकल कलेज लगे पनि त्यहाँबाट लुम्बिनी प्रादेशिक अस्पताल पठाइयो । लुम्बिनीले तत्कालै काठमाडांै रेफर गरिदियो ।  

अहिले बालिका खतरामुक्त रहे पनि स्वास्थ्य अवस्था गम्भीर नै रहेको अस्पतालका चिकित्सकलाई उद्धृत गर्दै रुपन्देहीका प्रहरी प्रमुख पोखरेलले बताए । ‘अपरेसनपछि बालिकाको स्वास्थ्य सुधारोन्मुख रहेको जानकारी पाएका छौं,’ एसपी पोखरेलले भने । अभियुक्त बिकले बलात्कारपछि हत्या गर्ने मनसायले आक्रमण गरेको देखिएको प्रहरीले जनाएको छ । नाबालिका बलात्कार र ज्यानै मार्नेसम्मको अपराध गर्ने अपराधीलाई आजीवन काराबासको सजाय हुनुपर्ने माग परिवार र आफन्तले गरेका छन् । बालिकाका आफन्त र गाउँलेले अभियुक्तलाई कडा कारबाहीको माग गर्दै आइतबार जिल्ला प्रहरी कार्यालयमा केहीबेर धर्नासमेत दिएका थिए ।

बलात्कारी होमबहादुरका गलत क्रियाकलाप ढाकछोप गरी संरक्षण गरेको भन्दै स्थानीयले हीरालाल मल्लाहलाई पनि कारबाहीको माग गरेका छन् । होमबहादुरको चालचलन पहिलेदेखि नै ठिक नभएकाले गाउँमा नराख्न स्थनीयले गरेको आग्रहलाई बेवास्ता गर्दा पाँच वर्षीया बालिका जघन्य अपराधको सिकार भएको भन्दै गाउँलेले हीरालाललाई कारबाहीको माग गरेका हुन् । स्थानीयको दबाबपछि प्रहरीले हीरालाललाई घटनाको तीन दिनपछि नियन्त्रणमा लिएको छ ।

विकलाई केही वर्षदेखि हीरालालले कामदारको रूपमा घरमा आश्रय दिएका थिए । स्थानीय स्कुलकी शिक्षिका सरस्वती भण्डारीका अनुसार अभियुक्त बिकले यसअघि पनि पटकपटक महिला, बालबालिकालाई जिस्काउने, संवेदनशील अंगमा छुन खोज्ने, रक्सीको बहानामा अश्लील शब्द बोल्ने क्रियाकलाप दोहोर्‍याएपछि गाउँमा नराख्न आग्रह गरेका थिए । तर हीरालालले उल्टै आफ्ना छोरीचेलीको सुरक्षा आफैं गर भन्दै गाउँलेलाई धम्काए । ‘घटना घटाएपछि पनि बिक हीरालालसँगै आगो तापेर बसेको थियो । ऊसँग सोध्न खोज्दा आफ्ना छोरीचेलीको सुरक्षा गर्न सक्दैनौ यसलाई दोष दिन्छौ भनेर उसले हामीलाई नै धम्कायो,’ बालिकाका मामा हरि मल्लाहले भने ।

बलात्कारको सिकार भएकी बालिका चार सन्तानमध्येकी साइली हुन् । उनका दुई दिदी र एक बहिनी छन् । बाबुआमा एक वर्षकी छोरीलाई काखमा च्यापेर चार दिनदेखि शिक्षण अस्पतालको चक्कर काटिरहेका छन् । दैनिक ज्यालादारी गरेर गुजारा गर्ने दम्पतीको सम्पत्तिको नाममा एकतले घर छ । घटनालगत्तै छोरीको उपचारका लागि काठमाडाैं लैजाँदा आफन्त र छिमेकले क्रणधन गरेर दिएको पैसा सकिन लागेको बालिकाका बुवाले बताए । छोरीको पिरले बाबुआमा भोकभोकै बसे पनि पैसा सकिएपछि काखे नानीलाई केले दूध किनेर खुवाउने भन्ने चिन्ता थपिएको आफन्तले बताए ।

५ वर्षमा बलात्कारका साढे ४ सय उजुरी

रुपन्देहीमा बलात्कारका घटना बर्सेनि बढ्दो छ । पछिल्लो ५ वर्षमा ४ सय ३९ वटा जबरजस्ती करणीसम्बन्धी मुद्दा प्रहरीमा दर्ता छन् । त्यसमध्ये १ सय २७ वटा जबरजस्ती करणीको प्रयासका हुन् । चालु आवको ६ महिनामा बलात्कारका ५२ वटा उजुरी परेका छन् । बालिका बलात्कारका घटना पनि बर्सेनि बढ्दो छ । ५ वर्षमा १ सय ३३ जना बालिका बलात्कारको सिकार भएका छन् । बलात्कृत हुनेमा आर्थिक अवस्था कमजोर भएका विपन्न, बिरामी, अपागंता भएका, दूधे बालिकादेखि वृद्ध महिला पनि छन् । कलिलै उमेरमा बलात्कार जस्तो जघन्य अपराधको सिकार हुँदा बालिकाको शारीरिक र मानसिक वृद्धिमा गम्भीर असर पर्ने चिकित्सक बताउँछन् ।

यौनजन्य अपराधमा आफन्त, छिमेक वा चिनेजानेकै व्यक्तिको संलग्नता बढी भेटिने रुपन्देहीका प्रहरी प्रमुख एसपी पोखरेलले बताए । बालिकालाई फकाउन सजिलो हुने र घटनाबारे खुलेर बताउन नसक्ने भएकाले अपराधीले अबोध बालबालिकालाई निसानामा पार्ने गरेको प्रहरी प्रमुख पोखरेलले बताए । साभार नागरिक दैनिकबाट । 

]]>
यो हो संसारकै विषालु भ्यागुतो, करोडौँमा हुन्छ तस्करी https://najiknews.com/news/6202 Thu, 21 Jan 2021 09:52:39 +0545 https://najiknews.com/news/6202 यस्तै संकटापन्न जीवहरुमध्ये एउटा हो छिर्केमिर्के भ्यागुता । यसलाई संसारकै सबैभन्दा विषालु भ्यागुता पनि भनिन्छ । सुन्तला तथा कालो रङको झालेमाले जीउ भएको उक्त भ्यागुताको मूल्य करोडौँ पर्ने बताइन्छ । पृथ्वीमा अरबौँको संख्यामा जीवजन्तुहरु छन् । यी असंख्य जीवहरुको आ-आफ्नै विशेषता र क्षमता पनि छ । कतिपय यस्ता जीवहरु छन् जो लोप हुने संघारमा छन् र कतिपय त लोप भैसके ।

यस्तै संकटापन्न जीवहरुमध्ये एउटा हो छिर्केमिर्के भ्यागुता । यसलाई संसारकै सबैभन्दा विषालु भ्यागुता पनि भनिन्छ । सुन्तला तथा कालो रङको झालेमाले जीउ भएको उक्त भ्यागुताको मूल्य करोडौँ पर्ने बताइन्छ ।

वयस्क छँदा जम्मा दुई इन्च लामो हुने यो भ्यागुताको नाम पोइजन डार्ट हो । वैज्ञानिकहरुका अनुसार यो भ्यागुताको सरीरमा यतिधेरै विष हुन्छ कि त्यसले १० जना मानिसलाई मार्न सक्दछ ।

कोलम्बियामा पाइने उक्त भ्यागुताको तस्करी निकै तीव्ररुपमा हुने गरेको छ । क्यारोलिना विश्वविद्यालयको अनुसन्धानमा पाइएअनुसार यो भ्यागुताको रङ जतिधेरै चम्किलो भयो उति नै धेरै विषालु हुन्छ ।

]]>
खेल मैदान बनाउँदै कुकुर र बाख्रो मेयर ! https://najiknews.com/news/6201 Thu, 21 Jan 2021 09:50:57 +0545 https://najiknews.com/news/6201 सन् २०१८ मा लिंकन नामक बाख्रोलाई उक्त सहरले मेयरको रुपमा चयन गरेको थियो । यद्यपि ती जनावर मेयरहरु कार्यकारी भने होइनन्, सम्मानार्थ मेयर हुन् । यसरी बाख्रो र कुकुरलाई मेयरको रुपमा छनोट गर्नुमा उक्त सहरवासी तथा नगर प्रशासनको खास उद्देश्य रहँदै आएको छ ।  अमेरिकाको एक सहरमा अहिले एउटा कुकुर मेयरको रुपमा कार्यरत छ । मर्फी नामक क्याभेलिएर किंग चार्ल्स जातको उक्त कुकुर भन्दा अगाडि उक्त सहरमा एउटा बाख्रो मेयरको रुपमा थियो ।

सन् २०१८ मा लिंकन नामक बाख्रोलाई उक्त सहरले मेयरको रुपमा चयन गरेको थियो । यद्यपि ती जनावर मेयरहरु कार्यकारी भने होइनन्, सम्मानार्थ मेयर हुन् । यसरी बाख्रो र कुकुरलाई मेयरको रुपमा छनोट गर्नुमा उक्त सहरवासी तथा नगर प्रशासनको खास उद्देश्य रहँदै आएको छ ।

सन् २०१८ मा मेयर बनेको लिंकन बाख्रोले झण्डै १० हजार डलर आर्थिक संकलन गरिदिएको थियो । हालको मेयर लिंकनले अहिलेसम्म २० हजार डलर संकलन गरिसकेको नगर व्यवस्थापक जो गुन्टर बताउँछन् ।

जब नगर प्रशासनले मर्फीकी मालिक्नी लिन्डा बार्कर समक्ष लिंकनलाई राजनीतिमा सामेल गराएर मेयर बनाउने कुरा राख्यो तब लिन्डा आश्चर्यमा परिन् । आफ्नो कुकुरलाई मेयर बनाएपछि कुकुरका तस्वीर तथा सन्देश अंकित टिसर्टहरु बिक्री गरेर सहरका लागि अर्थ संकलन गर्न सकिने उनको अपेक्षा थियो । तर विडम्बना कोरोना भाइरस महामारी सुरु भयो ।
त्यसैले टिसर्टको साटो उनले मास्क बिक्री गर्ने योजना बनाइन् । उनले अहिलेसम्म मर्फीको नामबाट १ हजार मास्क बनाएर बेचिसकेकी छिन् । भ्यालेन्टाइन डेमा थप मास्क बनाएर बेच्ने उनको योजना छ । उनले अहिलेसम्म मास्क बेचेरै ५ हजार डलर र र्याफल बास्केट बिक्रीबाट थप उत्ति नै रकम उठाएकी छिन् ।

त्यस्तै उक्त नगरलाई हालै संघीय भूमि तथा जल संरक्षण कोषले ५० हजार डलर अनुदान प्रदान गरेको छ ।

आखिर कुकुर र बाख्रा मेयरले संकलन गरेको आर्थिक सहयोगको उपयोग केमा हुँदैछ त ? वास्तवमा सहरको सामुदायिक खेल मैदानको पुनर्निर्माणका लागि उक्त रकम संकलन गरिएको हो ।

सहरका बालबालिकाहरु मज्जाले खेल्न र मनोरञ्जन प्राप्त गर्न सकुन् भनेर उक्त सामुदायिक खेल मैदानलाई भव्य ढंगले पुनर्निर्माण गरिँदैछ ।

तर अचम्म त के भने आफ्नै सहयोगमा उठेको रकमबाट बन्ने खेल मैदानमा ती जनावर मेयरहरु भने छिर्न पाउने छैनन् । किनकी सामुदायिक खेल मैदानमा कुकुर तथा बाख्राहरुका लागि प्रवेश निषेध गरिनेछ ।
 

]]>
‘सत्यम्’मा राजेश र अनुपविक्रम https://najiknews.com/news/6200 Thu, 21 Jan 2021 09:44:15 +0545 https://najiknews.com/news/6200 चलचित्र ‘रोमियो’का निर्देशक शंकर कार्कीले निर्देशन गर्न लागेको चलचित्र ‘सत्यम्’मा नायक हमालले काम गर्ने पक्का भएको हो । निर्देशक कार्कीले पनि अनलाइनखबरसँग कुरा गर्दै नायक हमालले चलचित्रका लागि लिखित संझौता समेत गरिसकेको बताए । नायक राजेश हमाल केही समयको अन्तरालपछि चलचित्रको पर्दामा फर्किने तयारीमा छन् । लकडाउनपछि धमाधम म्यूजिक भिडियोमा काम गरेका हमालले एक नयाँ चलचित्र साइन गरेका हुन् ।

चलचित्र ‘रोमियो’का निर्देशक शंकर कार्कीले निर्देशन गर्न लागेको चलचित्र ‘सत्यम्’मा नायक हमालले काम गर्ने पक्का भएको हो । निर्देशक कार्कीले पनि अनलाइनखबरसँग कुरा गर्दै नायक हमालले चलचित्रका लागि लिखित संझौता समेत गरिसकेको बताए ।

यो चलचित्रको शिर्ष भूमिकामा नायक राजेश हमाल नै देखिदैछन् । यो चलचित्रमा नायक अनुप विक्रम शाहीले पनि काम गर्दैछन् । चलचित्रमा अनुप खलनायकको भूमिकामा देखिने वुझिएको छ ।

चलचित्रका लागि नायिका फाइनल गरिएको छैन । तर, निर्देशक कार्कीका अनुसार नायिका उपासना सिंह ठकुरीसँग कुरा लगभग पक्का भएको छ । उपासना पोखरामा चलचित्र ‘डिसेम्बर फल्स’को छायांकनका लागि गएकाले लिखित संझौता हुन नपाएको तर मौखिक रुपमा सहमती भैसकेको निर्देशकको तर्क छ ।

पछिल्ला केही चलचित्र असफल भएपछि नायक राजेश हमालले ठूलो पर्दाबाट आफूलाई टाढा बनाएका थिए । तर, नायक हमालले कथा मन परेपछि ‘सत्यम्’मा काम गर्ने मन बनाएका हुन् ।

]]>
सप्तरीमा मोटरसाइकल दुर्घटना हुँदा दुईजनाको मृत्यु https://najiknews.com/news/6199 Thu, 21 Jan 2021 09:37:16 +0545 https://najiknews.com/news/6199 उक्त दुर्घटनामा मोटरसाइकल चालक खडक नगरपालिका-११ बनौलीका २१ वर्षीय शिवेन्द्र साह र बीचमा सवार २५ वर्षीय अरविन्द यादवको मृत्यु भएको छ । घाइते भएका उनीहरुलाई उपचारका लागि अस्पताल लैजाने क्रममा बाटोमै दुवैको मृत्यु भएको प्रवक्ता साहले बताए । सप्तरी : हुलाकी राजमार्ग अन्तर्गत सप्तरीको डक नगरपालिकामा तीनजना सवार मोटरसाइकल दुर्घटना हुँदा दुईजनाको मृत्यु एको छ ।

खडक नगरपालिका-११ बनौलीमा पश्चितमबाट पूर्वतर्फ जाँदै गरेको प्रदेश २-०१-००१-प ६१४६ नम्बरको मोटरसाइककल आफैं अनियन्त्रित भई बुधबार राति साढे १२ बजेको समयमा दुर्घटना भएको सप्तरीका प्रहरी प्रवक्ता भुवनेश्वर साहले जानकारी दिए ।

उक्त दुर्घटनामा मोटरसाइकल चालक खडक नगरपालिका-११ बनौलीका २१ वर्षीय शिवेन्द्र साह र बीचमा सवार २५ वर्षीय अरविन्द यादवको मृत्यु भएको छ । घाइते भएका उनीहरुलाई उपचारका लागि अस्पताल लैजाने क्रममा बाटोमै दुवैको मृत्यु भएको प्रवक्ता साहले बताए ।

मोटरसाइकलमा पछाडि सवार खडक नगरपालिका ११ कै २१ वर्षीय सुनिलकुमार चौधरी भने घाइते भएका छन् । उनको टाउको र शरीरको विभिन्न भागमा चोटपटक लागेको छ । उनलाई उपचारका लागि राजविराज पठाइएको प्रहरीले जनाएको छ ।

]]>
पहिलो दिनदेखि नै ट्रम्पका नीतिहरु उल्ट्याउँदैछन् बाइडेन https://najiknews.com/news/6198 Thu, 21 Jan 2021 09:31:37 +0545 https://najiknews.com/news/6198 शपथ ग्रहण कार्यक्रममा तीनजना पूर्वराष्ट्रपतिहरु उपस्थित भएका थिए ः बाराक ओबामा, बिल क्लिन्टन र जर्ज डब्लू बुस अनि ट्रम्प प्रशासनका उपराष्ट्रपति माइक पेन्स । बीबीसी : अमेरिकी राष्ट्रपति जो बाइडेनले आफ्नो कार्यकालको पहिलो दिन, शपथ लिएको केही घण्टापछि नै डोनाल्ड ट्रम्पका केही प्रमुख नीतिहरु उल्ट्याउन सुरु गरेका छन् । ह्वाइटहाउसतर्फ प्रस्थान गर्दैगर्दा उनले भनेका हुन्, “यस्तो संकटका बेलामा हामीसँग समय खेर फाल्ने अवस्था छैन ।” 

यसमा बाइडेनले ट्रम्प प्रशासनका ठुल्ठुला क्षतिहरुप्रति मात्र कदम नउठाएर देशलाई अघि बढ्नमा पनि मद्दत गर्ने बताएका हुन् । 

अमेरिकामा कोरोनाका कारण हालसम्म ४ लाख मानिसको मृत्यु भइसकेको छ । यस्तोमा बाइडेनले बुधबारदेखि नै कोरोना महामारीको प्रतिक्रिया बढाउन १५ नयाँ आधिकारिक निर्देशन जारी गरेका हुन् । त्यस्तै अन्य आदेशहरुमा चाहिँ ट्रम्प प्रशासनले जारी गरेका जलवायु परिवर्तन अनि आप्रवासन सम्बन्धी विषयहरु रहेका थिए । 

बुधबार उनले अमेरिकाका ४६ औँ राष्ट्रपतिको पद ग्रहण गरेका हुन् । कोरोना भाइरस सम्बन्धी नियमहरुका कारण यसपटकको शपथ कार्यक्रम इतिहासमै कहिल्यै नदेखिएको किसिमले सम्पन्न गरिएको बताइएको छ । 

डोनाल्ड ट्रम्प भने समारोह अगाडि नै फ्लोरिडास्थित आफ्नो गल्फ रिसोर्टका लागि बाहिरिसकेका थिए । 

शपथ लिनासाथै बाइडेनले ‘प्रजातन्त्रको जित भयो’ भनेर उल्लेख गरेका हुन् । त्यसपछि उनले यसअघिको प्रशासनले निम्त्याएका संकटहरु परास्त गरि अमेरिकालाई फेरि एकीकृत गर्ने संकल्प लिएका हुन् । 

उनले आफूलाई मत नदिनेहरु सहित ‘सम्पूर्ण अमेरिकी’ हरुका लागि आफू कुशल राष्ट्रपति बन्ने समेत वचन दिएका हुन् । 

शपथ ग्रहण कार्यक्रममा तीनजना पूर्वराष्ट्रपतिहरु उपस्थित भएका थिए ः बाराक ओबामा, बिल क्लिन्टन र जर्ज डब्लू बुस अनि ट्रम्प प्रशासनका उपराष्ट्रपति माइक पेन्स । 

बाइडेन भन्दा अगाडि कमला ह्यारिसले उपराष्ट्रपति पदका लागि शपथ ग्रहण गरेकी हुन् र पहिलो अश्वेत, एसियन–अमेरिकन महिल उपराष्ट्रपतिका रुपमा आफ्नो भूमिका निर्वाह गर्ने भएकी छन्  । 

समारोहको सुरक्षा व्यवस्था अत्यन्तै कडा थियो । राष्ट्रपति जो बाइडेन, प्रथम महिला जिल बाइडेनसँग आएका थिए भने ह्यारिसका पति सँगै उपस्थित भइ सबै एकसाथ ह्वाइटहाउस प्रवेश गरेका हुन् । 

शपथ ग्रहण कार्यक्रममा चर्चित हलिउड सेलिब्रेटीहरु पनि देखा परेका हुन् । जसमा लेडी गागा, जेनिफर लोपेज अनि गार्थ ब्रुक्सले राष्ट्रिय गान गाएका थिए । 

त्यस्तै लिन्कन मेमोरियलको कन्सर्टलाई चाहिँ अभिनेता टम ह्यांक्सले सञ्चालन गरेका हुन् जसमा ब्रुस स्प्रिङटन, गायक जोन लेजेन्ड, जस्टिन टिम्बरलेक डेमी लोभाटो आदिको प्रस्तुति रहेको थियो । 

]]>
इटालियन सुपर कपको उपाधि युभेन्ट्सलाई https://najiknews.com/news/6197 Thu, 21 Jan 2021 09:13:55 +0545 https://najiknews.com/news/6197 खेलको ६४ औं मिनेटमा रोनाल्डोले गोल गर्दै युभेन्ट्सलाई अग्रता दिलाएका थिए । ८० औं मिनेटमा नापोलीले बराबरी गर्ने मौका गुमायो । नापोलीका लरेन्जो इनसिग्नेले पेनाल्टीमा गोल गर्न नसक्दा युभेन्ट्स भाग्यमानी रह्यो ।  काठमाडौं : युभेन्ट्सले इटालियन सुपर कप फुटबलको उपाधि जितेको छ । बुधबार राति भएको खेलमा नापोलीलाई २-० गोलले पराजित गर्दै युभेन्ट्स च्याम्पियन बनेको छ ।

गत सिजनको सिरी ए र कोपा इटालियनको विजेताबीच सुपर कप खेलाइन्छ । युभेन्ट्स गत सिजनको सिरी ए विजेता हो भने नापोलीले कोपा यटालियाको उपाधि जितेको थियो ।

युभेन्ट्सलाई उपाधि दिलाउन क्रिस्टियानो रोनाल्डो र अल्भारो मोराटाले गोल गरे । पहिलो हाफमा गोलरहित बराबरी भए पनि दोस्रो हाफमा युभेन्ट्सले दुई गोल गर्‍यो ।

खेलको ६४ औं मिनेटमा रोनाल्डोले गोल गर्दै युभेन्ट्सलाई अग्रता दिलाएका थिए । ८० औं मिनेटमा नापोलीले बराबरी गर्ने मौका गुमायो । नापोलीका लरेन्जो इनसिग्नेले पेनाल्टीमा गोल गर्न नसक्दा युभेन्ट्स भाग्यमानी रह्यो ।

इन्जुरी टाइममा मोराटाले गोल गरेपछि युभेन्ट्स २-० ले विजयी भयो । युभेन्ट्सले सर्वाधिक नवौं पटक इटालियन सुपर कपको उपाधि जितेको हो । एसी मिलानले ७ र इन्टरले ५ पटक यो उपाधि जितेका छन् ।

 
]]>
यूईएफए टिम अफ दि इअरमा तीन खेलाडीको डेब्यु https://najiknews.com/news/6196 Thu, 21 Jan 2021 09:12:02 +0545 https://najiknews.com/news/6196 टिम अफ दि इअरकको गोलकिपरमा बार्यन म्युनिखका मानुएल नोए छन् । यस्तै डिफेन्डरमा किमिच र डेभिसँगै रियल मड्रिडका कप्तान सर्जियो रामोस र लिभरपुलका भर्जिल भान डाइक छन् । काठमाडौं : युरोपियन फुटबल एसोसिएसन (यूईएफए)ले सन् २०२० को यूईएफए टिम अफ दि इय घोषणा गरेको छ ।

विश्वभरका फुटबल समर्थकले एक महिनाभर गरेको भोटको आधारमा यूईएफएले टिम अफ दि इयर सार्वजनिक गरेको हो ।

जसमा तीन खेलाडीले पहिलो पटक स्थान बनाएका छन् । जर्मन क्लब बार्यन म्युनिखका डिफेण्डरद्वय जोसुअ किमिच र अल्फोन्स डेभिसले पहिलो पटक टिममा स्थान बनाएका छन् । यस्तै यसै सिजन बार्यनबाट लिभरपुल पुगेका मिडफिल्डर थियागो अलकान्तारा पनि पहिलो पटक समावेश छन् ।

टिम अफ दि इअरकको गोलकिपरमा बार्यन म्युनिखका मानुएल नोए छन् । यस्तै डिफेन्डरमा किमिच र डेभिसँगै रियल मड्रिडका कप्तान सर्जियो रामोस र लिभरपुलका भर्जिल भान डाइक छन् ।

मिडफिल्डरमा थियागोसहित म्यान्चेस्टर सिटीका केभिन डी ब्रुएना छन् । फरवार्डमा युभेन्ट्सका क्रिस्टियानो रोनाल्डो, बार्सिलोनाका लियोनल मेसी, बार्यनका रोबर्ट लेवान्डोस्की र परिस सेन्ट जर्मेन (पीएसजी)का नेयमार रहेका छन् ।

टिम अफ दि इअरमा बार्यनबाट सर्वाधिक ४ खेलाडी समावेश हुँदा लिभरपुल २ तथा रियल मड्रिड, बार्सिलोना, युभेन्ट्स, म्यानचेष्टर सिटी, पिएसजीबाट १-१ खेलाडी छन् ।

]]>
संसद विघटनको विरोधमा कांग्रेसले आज वडाहरुमा प्रदर्शन गर्दै https://najiknews.com/news/6195 Thu, 21 Jan 2021 08:53:36 +0545 https://najiknews.com/news/6195 अब वडा स्तरीय प्रदर्शनमा पनि घरघरबाट सहभागिता जनाएर प्रभावकारी रुपले सफल बनाउन कांग्रेस सभापति शेरबहादुर देउवाले पार्टीका सबै कार्यकर्ता र लोकतन्त्रवादीहरुलाई अपील गरेका छन् । संसद विघटनको विरोधमा नेपाली कांग्रेसले आज वडास्तरमा प्रदर्शन गर्दै छ । देशभरका ६ हजार ७ सय ४३ वडाहरुमा आज विरोध प्रदर्शन आयोजना गरिएको नेपाली कांग्रेसले जनाएको छ ।

संसद विघटनको कदमलाई असंवैधानिक र अलोकतान्त्रिक ठहर गरेर नेपाली कांग्रेसले पुस १३ गते १६५ निर्वाचन क्षेत्रमा, पुस २५ गते ३३० प्रदेशसभा निर्वाचन क्षेत्रमा तथा माघ ३ गते ७५३ पालिकाहरुमा विरोध प्रदर्शन गरिसकेको छ ।

अब वडा स्तरीय प्रदर्शनमा पनि घरघरबाट सहभागिता जनाएर प्रभावकारी रुपले सफल बनाउन कांग्रेस सभापति शेरबहादुर देउवाले पार्टीका सबै कार्यकर्ता र लोकतन्त्रवादीहरुलाई अपील गरेका छन् ।

नेपाली कांग्रेसले संसद विघटनलाई संविधानमा भएको ब्यवस्था प्रतिकुल र जनभावना विपरीतको कार्य भनेको छ ।

]]>
डोटीमा १० प्रतिशत मतदाता वृद्धि https://najiknews.com/news/6194 Thu, 21 Jan 2021 08:49:21 +0545 https://najiknews.com/news/6194 दिपायल सिलगढी नगरपालिका-६ मा रहेको साविकको शैलेश्वरी विद्यालयको मतदान केन्द्र र बडीकेदार गाउँपालिका-४ डिकेवनमा रहेको केन्द्र सार्नु पर्ने अवस्था रहेको मलासीले जानकारी दिए । ‘शैलेश्वरी विद्यालय अर्को विद्यालयमा मर्ज भइसकेको हुँदा अब त्यहाँबाट केन्द्र सार्नु पर्छ,’ मलासीले भने ‘डिकेवनमा रहेको वडा डोटी । प्रधानमन्त्री केपी शर्मा ओलीको सिफारिसमा राष्ट्रपतिले आगामी वैशाख १७ र २७ मा निर्वाचनको मिति तोकेपछि निर्वाचन आयोगले तयारी थालेको छ ।

निर्वाचन घोषणा लगत्तै पुस ६ गतेदेखिनै फोटोसहितको मतदाता नामावली संकलन रोकेको आयोगले १५ गते मतदाता नामावली प्रकाशन गर्ने तयारी गरेको छ ।

डोटी जिल्लामा पनि निर्वाचन सम्बन्धी गतिविधिहरु अघि बढेको जिल्ला निर्वाचन कार्यालय डोटीका प्रमुख दलबहादुर मलासी बताउँछन् । उनले निर्वाचनको तयारीका विषयमा सरोकारवालाहरुसँग एक चरणको छलफल भएको बताए ।

जिल्ला निर्वाचन कार्यालय प्रमुख मलासीका अनुसार २०७४ सालमा भएको निर्वाचनभन्दा यस निर्वाचनमा १० प्रतिशत बढी मतदाता थपिनेछन् । २०७४ सालमा भएको प्रतिनिधिसभाको निर्वाचनमा ५७ हजार चार सय महिला र ४९ हजार एक सय ४३ पुरुष गरी एक लाख ६ हजार पाँच सय ४३ मतदाता रहेका थिए ।

उक्त निर्वाचनमा संघीय प्रतिनिधि सभाका लागि प्रत्यक्षतर्फ ६९ हजार ३२ अर्थात् ६४.७९ प्रतिशत मत खसेको थियो । यस्तै समानुपातिकतर्फ ६९ हजार एक सय ४९ मत खसेको मलासीले जानकारी दिए ।

खसेका मतमध्ये प्रत्येक्षतर्फ तीन हजार ९१० र समानुपातिकतर्फ सात हजार ४१६ मत बदर भएको निर्वाचन कार्यालयको तथ्याङ्कले देखाउँछ ।

‘अहिले कुल मतदाता संख्या एक लाख १७ हजार ६ सय १७ छ’ निर्वाचन कार्यालय प्रमुख मलासीले भने ‘१५ गतेदेखि २१ गतेसम्म दाबी विरोधको समय तोकिएको छ, त्यतिवेला केही घटन् सक्छन् ।’ महिला ६२ हजार तीन सय ४१ र पुरुष ५५ हजार २७६ मतदाता रहेका उनले जानकारी दिए  ।

उनले माघ १५ देखि २१ सम्म नौ वटै स्थानीय तहको कार्यालयमा दाबी विरोधको समय राखिएको बताए । त्यो अवधिमा मतदाता नामावलीमा भएको नाम सच्याउने, नाम हटाउने, केन्द्र सच्याउने जस्ता काम हुने मलासीले बताए । उनी थप्छन्, ‘कसैले आफ्नो नामावली अन्यत्र जिल्लामा पनि सार्न सक्छन्, मृत्यु भएका व्यक्तिहरुको नाम हटछ्, त्यसैले यो संख्यामा केही कमी आउन सक्छ ।’

८ वटा केन्द्र बढ्न सक्ने

जिल्ला निर्वाचन कार्यालय, डोटीका प्रमुख मलासीले जिल्लामा मतदान८ वटा केन्द्र बढ्न सक्ने सम्भावना रहेको बताए । ‘निर्वाचन स्थल त बढ्दैनन् तर मतदाता संख्याको आधारमा ८ वटा जति मतदान केन्द्र वढ्न सक्छन्,’ उनले भने, ‘त्यो पनि २१ गतेपछि मतदाताको अन्तिम नामावली तयार भएपछि थाह हुन्छ ।’

०७४ को निर्वाचनमा जिल्लाका ११५ स्थानहरुमा १५७ मतदान केन्द्र रहेका थिए । अब १६४ वा ६५ हुने सम्भावना रहेको उनी बताउँछन् । निर्वाचन तयारी र मतदान स्थल र केन्द्रको तयारीको विषयमा मतदान केन्द्र निर्धारण समितिको बैठक ८ गते फेरि बैठक बस्ने उनले बताए ।

दिपायल सिलगढी नगरपालिका-६ मा रहेको साविकको शैलेश्वरी विद्यालयको मतदान केन्द्र र बडीकेदार गाउँपालिका-४ डिकेवनमा रहेको केन्द्र सार्नु पर्ने अवस्था रहेको मलासीले जानकारी दिए । ‘शैलेश्वरी विद्यालय अर्को विद्यालयमा मर्ज भइसकेको हुँदा अब त्यहाँबाट केन्द्र सार्नु पर्छ,’ मलासीले भने ‘डिकेवनमा रहेको वडा

कार्यालयमा आगजनी भएपछि अब त्यहाँ पनि के गर्ने भन्ने विषयमा ८ गते नै छलफल हुन्छ ।’

उनले मतदान स्थलहरु थप्नु पर्ने भन्दै विभिन्न क्षेत्रबाट माग आएको भए पनि व्यवस्थापन गर्न समस्या हुने बताए । आयोगको निर्देशनअनुसार कार्यालयले निर्वाचन सम्बन्धी कार्यक्रमहरु अघि बढाइरहेको मलासीले बताए ।

]]>
नेपाल–इजरायलबीच रोजगारसम्बन्धी सम्झौता कार्यान्वयनका लागि हस्ताक्षर हुँदै https://najiknews.com/news/6193 Thu, 21 Jan 2021 08:47:03 +0545 https://najiknews.com/news/6193 प्रोटोकलमा हस्ताक्षर भएसँगै इजरायलको विशिष्ट श्रम बजार नेपाली युवाका लागि खुला हुनेछ । जसअनुसार ५०० नेपाली युवा रोजगारीका लागि इजरायल जानेछन् । यसले केयरगिभर, कृषि, होटल तथा रेष्टुरेन्ट, निर्माणलगायत क्षेत्रमा नेपालीलाई रोजगारीको अवसर खुल्नेछ । काठमाडौं । नेपाल र इजरायलबीच गत असोजमा भएको ‘इजरायलको विशिष्ट श्रम बजारमा नेपाली कामदारको अस्थायी रोजगारीसम्बन्धी सम्झौता’ कार्यान्वयनका लागि बिहीबार दुई देशका अधिकारीबीच ‘इम्प्लिमेन्टेसन प्रोटोकल’मा हस्ताक्षर हुने भएको छ ।

प्रोटोकलमा नेपाल सरकारका तर्फबाट वैदेशिक रोजगार विभागका महानिर्देशक कुमार दाहाल र इजरायल सरकारका तर्फबाट नेपालका लागि इजरायली राजदूत हनान गोदरले हस्ताक्षर गर्ने श्रम, रोजगार तथा सामाजिक सुरक्षा मन्त्रालयले जनाएको छ ।

प्रोटोकलमा हस्ताक्षर भएसँगै इजरायलको विशिष्ट श्रम बजार नेपाली युवाका लागि खुला हुनेछ । जसअनुसार ५०० नेपाली युवा रोजगारीका लागि इजरायल जानेछन् । यसले केयरगिभर, कृषि, होटल तथा रेष्टुरेन्ट, निर्माणलगायत क्षेत्रमा नेपालीलाई रोजगारीको अवसर खुल्नेछ ।

नेपाली युवाले इजरायली श्रम कानूनअनुसार सेवा सुविधा पाउनेछन् । प्रोटोकल अनुसार ५०० नेपाली रोजगारीका लागि इजरायल जाने मन्त्रालयका सचिव तोयम रायले बताए ।

इजरायली रोजगारमा निजी क्षेत्रलाई सहभागी गराइएको छैन । दुई देशबीचको सरकार–सरकार संयन्त्र (जिटुजी) बाट नेपाली इजरायल जानेछन् । यसअघि विभिन्न चरणमा छलफल भई सहमतिसमेत भइसकेकाले पहिलो क्षेत्रका रुपमा इजरायलको नर्सिङ क्षेत्र (अस्पताल, नर्सिङ होम, दिवा स्याहार केन्द्रलगायत) मा नेपालीले रोजगारीको अवसर प्राप्त गर्नेछन् ।

वैदेशिक रोजगारीका लागि इजरायललाई आकर्षक गन्तव्यका रुपमा लिइन्छ । आम्दानी, सामाजिक सुरक्षा तथा रोजगारीजन्य श्रमिक स्वास्थ्य सुरक्षाका दृष्टिले इजरायल विश्वकै उत्कृष्ट मुलुकमा पर्दछ ।

केही वर्षदेखि नेपाली कामदार लैजान बन्द गरेको इजरायलले पछिल्ला समय नेपाली श्रमिक लैजाने चाहना गरेको थियो । इजरायलले कृषि तथा केयर गिभरको क्षेत्रमा विदेशी कामदार लिँदै आएको छ ।

इजरायलमा केयर गिभरको संख्या बढी छ र नेपालीहरू पनि धेरै जसो केयर गिभरका रूपमै नै त्यहाँ जाने गरेका छन् । इजरायलमा करीब दुई हजार ५०० को संख्यामा नेपाली रहेका तेलअभिवस्थित नेपाली दूतावासले जनाएको छ । इजरायलको श्रम कानून निकै नै श्रमिकमैत्री भएकाले तुलनात्मक हिसाबले अन्य देशभन्दा कम समस्या आउने गरेको छ ।

सरकारी माध्यमबाट नेपाली श्रमिक इजरायल पठाउँदा पारदर्शी हुनेगरी कार्यविधि तयार गरिएको श्रम मन्त्रालयले जनाएको छ । श्रम मन्त्रालयका अनुसार इजरायलमा दक्ष र सीपयुक्त श्रमिक सरकारले पठाउने भएकाले यसलाई सकेसम्म व्यवस्थित र पारदर्शी बनाउने गरी कार्यविधि बनाएको मन्त्रालयको दाबी छ ।

गत असोज १४ गते नेपाल र इजरायलबीच ‘इजरायलको विशिष्ट श्रम बजारमा नेपाली कामदारको अस्थायी रोजगारीसम्बन्धी सम्झौता’मा हस्ताक्षर भएको थियो । सम्झौतामा नेपालका तर्फबाट इजरायलका लागि नेपाली राजदूत डा. अञ्जान शाक्य र इजरालयका तर्फबाट त्यहाँका परराष्ट्रमन्त्री गावी अस्खेनाजीले हस्ताक्षर गरेका थिए ।

]]>
सर्लाहीको हरिवनमा बस दुर्घटना हुँदा २ जनाको मृत्यु, १७ घाइते https://najiknews.com/news/6192 Thu, 21 Jan 2021 08:42:06 +0545 https://najiknews.com/news/6192 दुर्घटनामा दुई जना महिलाको मृत्यु भएको र उनीहरुको सनाखत हुन बाँकी रहेको जिल्ला प्रहरी कार्यालय सर्लाहीका डिएसपी एवम् प्रवक्ता मदन कुँवरले जानकारी दिए । सर्लाही : सर्लाहीको हरिवन नगरपालिका–४ मा यात्रु बस दुर्घटना हुँदा दुई जनाको मृत्यु भएको छ । १७ जना घाइते भएका छन् ।

दाङबाट झापाको काँकडभिट्टा जाँदै गरेको ना ५ ख ४४८८ नम्बरको बस बिहीबार बिहान चार बजे दुर्घटना भएको हो ।

दुर्घटनामा दुई जना महिलाको मृत्यु भएको र उनीहरुको सनाखत हुन बाँकी रहेको जिल्ला प्रहरी कार्यालय सर्लाहीका डिएसपी एवम् प्रवक्ता मदन कुँवरले जानकारी दिए ।

]]>
मौसम : उच्च हिमाली भूभागमा हिमपातको सम्भावना, तराईमा हुस्सु https://najiknews.com/news/6191 Thu, 21 Jan 2021 08:39:48 +0545 https://najiknews.com/news/6191 तराई क्षेत्रमा तापक्रम घट्ने भएकोले चिसोबाट बच्न आवश्यक सतर्कता अपनाउन महाशाखाका मौसमविद् शाक्यको आग्रह छ । आज दिउँसो पनि प्रदेश १, प्रदेश २, वाग्मती, गण्डकी र लुम्बिनी प्रदेशमा आंशिकदेखि सामान्य बद्ली रहेर अरु भूभागमा मौसम सफा रहने उहाँको भनाइ छ । आज उच्च हिमाली भूभागका एकरदुई ठाउँमा हिमपातको सम्भावना रहेको छ । यस्तै आज धेरैजसो भू-भागमा बादल लाग्ने भएकाले राम्रोसँग घाम नलाग्ने मौसम पूर्वानुमान महाशाखाले जनाएको छ । अहिले देशको पूर्वी र मध्य भूभागमा बंगलादेश र आसपासमा बनेको न्यून चापीय प्रणालीको प्रभाव रहेको छ ।

अहिले प्रदेश १, प्रदेश २, वाग्मती प्रदेश, गण्डकी प्रदेश र लुम्बिनी प्रदेशको मौसम आंशिकदेखि सामान्य बद्ली भएको छ । महाशाखाका मौसमविद् सजिना शाक्यकाअनुसार अहिले तराईका धेरैजसो भूभागमा बिहानैदेखि हुस्सु र कुहिरो लागेको छ ।

तराई क्षेत्रमा तापक्रम घट्ने भएकोले चिसोबाट बच्न आवश्यक सतर्कता अपनाउन महाशाखाका मौसमविद् शाक्यको आग्रह छ । आज दिउँसो पनि प्रदेश १, प्रदेश २, वाग्मती, गण्डकी र लुम्बिनी प्रदेशमा आंशिकदेखि सामान्य बद्ली रहेर अरु भूभागमा मौसम सफा रहने उहाँको भनाइ छ ।

यस्तै प्रदेश १, प्रदेश २, वाग्मती, गण्डकी र लुम्बिनी प्रदेशमा आंशिक बद्ली रहेर देशका बाँकी भूभागहरुमा मौसम सफा रहने महाशाखाले जनाएको छ ।

]]>
राष्ट्रपति भण्डारी र प्रधानमन्त्री ओलीले दिए अमेरिकी राष्ट्रपति जो बाइडनलाई बधाई https://najiknews.com/news/6190 Thu, 21 Jan 2021 08:36:50 +0545 https://najiknews.com/news/6190 यसैगरी उपराष्ट्रपति नन्दबहादुर पुनले अमेरिकी समकक्षी कमला ह्यारिसलाई बधाई सन्देश पठाउँदै नयाँ अमेरिकी प्रशासनको लैंगिक समानता, सामाजिक न्याय र जलवायु परिवर्तन जस्ता सामयिक मुद्दाको सह्राना गरेका छन् । काठमाडौं । राष्ट्रपति विद्यादेवी भण्डारीले अमेरिकी राष्ट्रपति जो बाइडनलाई बधाई दिएकी छन् । भण्डारीले बधाई सन्देश दिँदै बाइडनको कार्यकालमा नेपाल अमेरिका सम्बन्ध अझ गहिरो र विस्तार हुने विश्वास व्यक्त गरेकी छन् ।

उनले नेपालको सामाजिक आर्थिक विकासका लागि अमेरिकी सहयोगको सह्राना पनि गरेकी छन् । उनले कोभिड–१९ महामारीको समयमा बाइडनको कार्यकाल सफल रहोस् भन्ने कामनासमेत गरेको परराष्ट्र मन्त्रालयले जनाएको छ ।

यसैगरी उपराष्ट्रपति नन्दबहादुर पुनले अमेरिकी समकक्षी कमला ह्यारिसलाई बधाई सन्देश पठाउँदै नयाँ अमेरिकी प्रशासनको लैंगिक समानता, सामाजिक न्याय र जलवायु परिवर्तन जस्ता सामयिक मुद्दाको सह्राना गरेका छन् ।

प्रधानमन्त्री केपी शर्मा ओलीले पनि अमेरिकी राष्ट्रपति जो बाइडनलाई बधाई सन्देश पठाएका छन् । बाइडनको नेतृत्वमा अमेरिकाले प्रगति र समृद्धि हासिल गर्ने कार्यलाई जारी राख्ने ओलीले विश्वास व्यक्त गरेका छन् । उनले बधाई सन्देशमा अमेरिका–नेपालको द्विपक्षीय सम्बन्ध आगामी वर्षमा नयाँ उचाइमा पुग्ने उल्लेखसमेत गरेका छन् ।

अमेरिकाको ४६ औं राष्ट्रपतिमा निर्वाचित बाइडनले नेपाली समयअनुसार बुधबार राति पद तथा गोपनियताको शपथग्रहण गरेका छन् ।

]]>
कोरोनाविरुद्धको खोप आज काठमाडौं आइपुग्दै https://najiknews.com/news/6189 Thu, 21 Jan 2021 08:33:10 +0545 https://najiknews.com/news/6189 तोकिएका खोप केन्द्रहरुबाट पहिलो चरणमा स्वास्थ्यकर्मी, सफाइकर्मी, सुरक्षाकर्मी, एम्बुलेन्स चालक, शव व्यवस्थापन गर्ने टोलीलगायतलाई खोप दिइने मन्त्रालयले जनाएको छ । काठमाडौं । भारतले नेपाललाई अनुदानमा दिने घोषणा गरेको कोरोनाविरुद्धको खोप आज काठमाडौं आइपुग्दै छ ।

भारतले बुधबार नेपाललाई १० लाख डोज कोरोना खोप अनुदानमा दिने घोषणा गरेको थियो । अक्सफोर्ड/एस्ट्राजेनेकाले विकास गरेको तथा सेरम इन्स्टिच्युट अफ इन्डियाले उत्पादन गरेको कोभिसिल्ड खोप भारतले नेपाललाई दिन लागेको हो ।

स्वास्थ्य मन्त्रालय स्रोतका अनुसार बिहीबार बिहान एयर इन्डियाको विमानबाट कोरोनाविरुद्धको खोप त्रिभुवन अन्तर्राष्ट्रिय विमानस्थलमा आइपुग्ने छ । विमानस्थलमा नेपालका लागि भारतीय राजदूत विनयमोहन क्वात्राले स्वास्थ्य मन्त्रालयलाई खोप हस्तान्तरण गर्नेछन् ।

ती खोपलाई टेकुस्थित स्वास्थ्य सेवा विभागमा भण्डारण गरिनेछ । स्वास्थ्य सेवा विभागबाट प्रत्येक प्रदेशको भण्डारण केन्द्रमा खोप पठाइनेछ ।

तोकिएका खोप केन्द्रहरुबाट पहिलो चरणमा स्वास्थ्यकर्मी, सफाइकर्मी, सुरक्षाकर्मी, एम्बुलेन्स चालक, शव व्यवस्थापन गर्ने टोलीलगायतलाई खोप दिइने मन्त्रालयले जनाएको छ ।

स्वास्थ्य मन्त्रालयका खोप शाखा प्रमुख डा. झलक शर्माका अनुसार १० देखि १५ दिनमा कोरोनाविरुद्धको खोप लगाउन सुरु गरिने छ ।

]]>
गरेर देखायो ओली सरकारले, कोभिड–१९ विरुद्धको खोप १० लाख नेपालीले पाउने https://najiknews.com/news/6188 Thu, 21 Jan 2021 08:31:03 +0545 https://najiknews.com/news/6188 अहिलेसम्म नेपालमा दुई लाख ६८ हजार ३१० जना सङ्क्रमति भएका छन् । यस्तै दुई लाख ६२ हजार ६४२ निको, तीन हजार ६९३ सक्रिय सङ्क्रमित र एक हजार ९७५ जनाको सङ्क्रमणबाट निधन भएको छ । काठमाडौं – नेपालमा सङ्क्रमण देखिएको एक वर्षपछि कोभिड–१९ विरुद्धको खोप नेपालीले पाउने भएका छन् । भारत सरकारको सहयोगमा नेपालमा कोभिड–१९ विरुद्धको कोभाशिल्ड खोप १० लाख मात्रा बिहीबारदेखि आउन थालेको हो ।

नेपालमा कोभिड–१९ को सङ्क्रमण पहिलो पटक चीनको वुहान शहरबाट आएका एक विद्यार्थीलाई गत वर्ष माघ ९ गते देखिएको थियो । त्यसपछि चैत १० गते फ्रान्सबाट कतार हुँदै नेपाल आएकी एक युवतीमा सङ्क्रमण देखिएको थियो ।

अहिलेसम्म नेपालमा दुई लाख ६८ हजार ३१० जना सङ्क्रमति भएका छन् । यस्तै दुई लाख ६२ हजार ६४२ निको, तीन हजार ६९३ सक्रिय सङ्क्रमित र एक हजार ९७५ जनाको सङ्क्रमणबाट निधन भएको छ ।

स्वास्थ्य सेवा विभागको बाल स्वास्थ्य तथा खोप शाखाका निर्देशक डा झलक शर्मा गौतमले खोप आउने बित्तिकै लगाइने बताए । “भारतबाट खोप आएपछि हामीले भण्डारण गर्नेदेखि सबै जिल्लामा पु¥याउनका लागि ढुवानी व्यवस्थापनको तयारी पुरा छौ”, उनले भने, “त्यसपछि हामीले प्राथमिकरणमा परेका व्यक्तिलाई तुरुन्तै खोप लगाउन शुरु गर्नेछौँ ।”

उनका अनुसार उक्त खोप दुई मात्रा व्यक्तिलाई दिइनेछ । यसरी दुई मात्रा व्यक्तिलाई दिँदा करीब पाँच लाख जनालाई खोप दिइन सकिनेछ । “भारतमा दुई मात्रा दिइएको छ । पहिलो खोप दिएको चार हप्तापछि अर्को मात्रा दिइएको छ”, उनले भने, “नेपालमा पनि दुई मात्रा दिने सोचाइ बनाएका छौँ, तर अझै निर्णय गरेका छैनौँ ।” उक्त खोप विश्व स्वास्थ्य सङ्गठन (डब्लुएचओ)मा सूचीकृत भने छैन ।

]]>
च्याउ खेतीमा लागेका कञ्चनपुरका मुक्त कमैयालाई मेसिन प्रदान https://najiknews.com/news/6187 Thu, 21 Jan 2021 08:16:55 +0545 https://najiknews.com/news/6187 वेदकोट नगरपालिका र स्वीट नेपालले युएनडिपिको साझेदारीमा सञ्चालन गरेको कोभिड १९ प्रतिक्रिया समाजिक अर्थिक पुनः प्राप्ति आयोजना अन्तर्गत ५० जनालाई मेसिन दिइएको बताइएको छ । धनगढी : च्याउ खेतीमा लागेका कञ्चनपुरका मुक्त कमैयालाई मेसिन प्रदान गरिएको छ । जिल्लाको वेदकोट नगरपालिका -३ मा रहेको मुक्त कमैया शिविर आशापुरमा च्याउ उत्पादनका लागि मेसिन प्रदान गरिएको हो । 

वेदकोट नगरपालिका र स्वीट नेपालले युएनडिपिको साझेदारीमा सञ्चालन गरेको कोभिड १९ प्रतिक्रिया समाजिक अर्थिक पुनः प्राप्ति आयोजना अन्तर्गत ५० जनालाई मेसिन दिइएको बताइएको छ ।

]]>
निजगढ विमानस्थल निर्माण शुरु हुने https://najiknews.com/news/6186 Thu, 21 Jan 2021 08:15:12 +0545 https://najiknews.com/news/6186 मन्त्री ढकालले विमानस्थल निर्माण भए देशकै मुहार फेरिने तथा यहाँकै नागरिकले प्रत्यक्ष सेवा पाउने भएकाले विमानस्थल चाँडै निर्माण गरिने बताए। काठमाडौँ : सोही अनुगमनका क्रममा निजगढ पुग्नुभएका संस्कृति,  पर्यटन तथा नागरिक उड्डयनमन्त्री भानुभक्त ढकालले  निजगढ अन्तराष्ट्रिय विमानस्थल देशकै नमूना विमानस्थल बनाइने बताएका छन्।

मन्त्री ढकालले विमानस्थल निर्माण भए देशकै मुहार फेरिने तथा यहाँकै नागरिकले प्रत्यक्ष सेवा पाउने भएकाले विमानस्थल चाँडै निर्माण गरिने बताए।

उनले भने “निजगढ विमानस्थल अन्तराष्ट्रियस्तरमै नमूना विमानस्थल बनाइने छ, यसका लागि हामी निकै कसरत गर्दै छौँ, चाँडै कामको शुरुआत हुनेछ।”विमानस्थल निर्माण क्षेत्रको अनुगमन गर्नका लागि मन्त्रीसहितको अनुगमन टोली अहिले बारा जिल्लामै छ। 

]]>
भीमदत्तमा डायलासिस सेन्टर सञ्चालन गरिने https://najiknews.com/news/6185 Thu, 21 Jan 2021 08:13:50 +0545 https://najiknews.com/news/6185 उनले जर्मनको दातृ निकायको सहयोगमा भीमदत्तसहित देशका २० सहरमा डायलासिस सेन्टर सञ्चालनका लागि सम्झौता भइरहेको बताए । धनगढी : भीमदत्त नगरपालिकामा डायलासिस सेन्टर सञ्चालन गरिने भएको छ । बुधबार नेपाल नगरपालिका संघका अध्यक्ष अशोक कुमार ब्याञ्जुले उक्त नगरपालिकाको ४३औं वर्ष तथा दोस्रो स्थापना दिवसका अवसरमा अबको एक महिनाभित्रै सेन्टर सञ्चालन गरिने बताएका हुन् । 

उनले जर्मनको दातृ निकायको सहयोगमा भीमदत्तसहित देशका २० सहरमा डायलासिस सेन्टर सञ्चालनका लागि सम्झौता भइरहेको बताए । 

कार्यक्रमका प्रमुख अतिथि समेत रहेका अध्यक्ष ब्याञ्जुले सम्झौता अनुरुप नेपाल आउने दुई हजार ह्विलचेयरमध्ये सय ओटा भीमदत्तलाई प्रदान गरिने पनि बताएका छन् । 

यस्तै नगरपालिकाको स्थापना दिवसकै अवसरमा त्यहाँको वडा नम्बर १७ को कार्यालय भवन पनि उद्घाटन गरिएको छ । सो वडा कार्यालय भवनको उद्घाटन नगर प्रमुख सुरेन्द्र विष्टले गरेका थिए । 

]]>