नजिक न्युज https://najiknews.com नजिक न्युज - नजिक न्युज en-US hourly 1 Copyright 2022 Wed, 19 Jan 2022 23:37:30 +0545 कोरोना संक्रमितले पनि राष्ट्रियसभा चुनावमा भोट हाल्न पाउने https://najiknews.com/news/10207 Wed, 19 Jan 2022 19:55:06 +0545 https://najiknews.com/news/10207 ‘कोरोना संक्रमित भएको भए पनि ऊबाट अर्को व्यक्तिलाई नसर्ने गरी भोट हाल्न पाउने व्यवस्था मिलाउने भन्ने भएको छ’ आयोगका साहायक प्रवक्ता कोमलप्रसाद धमलाले भने। उनका अनुसार संक्रमित भएकाहरुलाई भोट हाल्न मतदान केन्द्रमा छुट्टै बाकसको व्यवस्था गरिनेछ । काठमाडौं : कोरोना संक्रमित मतदाताले पनि राष्ट्रियसभा चुनावमा भोट हाल्न पाउने भएका छन् ।

बुधबार निर्वाचन आयोगले १९ बुँदे मापदण्ड स्वीकृत गर्दै कोरोना संक्रमितले पनि भोट हाल्न पाउने गरी व्यवस्था गर्ने भनेको हो ।

‘कोरोना संक्रमित भएको भए पनि ऊबाट अर्को व्यक्तिलाई नसर्ने गरी भोट हाल्न पाउने व्यवस्था मिलाउने भन्ने भएको छ’ आयोगका साहायक प्रवक्ता कोमलप्रसाद धमलाले भने। उनका अनुसार संक्रमित भएकाहरुलाई भोट हाल्न मतदान केन्द्रमा छुट्टै बाकसको व्यवस्था गरिनेछ ।

१९ सदस्यका लागि यही माघ १२ गते राष्ट्रियसभाको निर्वाचन हुँदैछ । राष्ट्रिय सभामा प्रदेश सदस्य र स्थानीय तहका प्रमुख र उपप्रमुख मतदाता रहन्छन् । निर्वाचन आयोगले ७ वटै प्रदेशको प्रदेश राजधानीमा चुनाव हुने गरी मतदान केन्द्र राखेको छ ।

१९ बुँदे मापदण्डमा आयोगले स्वास्थ्य सतर्कताका विषयहरु समावेश गरेको छ । आयोगका अनुसार प्रत्येक मतदान केन्द्रमा स्वास्थ्यकर्मीको टोली खटिनेछ । र मतदान केन्द्रमा प्रवेश गर्ने सबैको ज्वरो जाँच गर्ने व्यवस्था मिलाइनेछ ।

]]>
कञ्चनपुरको भीमदत्त नगरपालिकामा कार्यरत १६ जनामा कोरोना पुष्टि https://najiknews.com/news/10206 Wed, 19 Jan 2022 19:44:34 +0545 https://najiknews.com/news/10206 अत्यावश्यक बाहेकका सेवा पुस ६ देखि १० गते सम्मलाई बन्द गरिएको छ। कोरोना संक्रमणबाट जोगिन जोगाउनको लागि उक्त निर्णय गरिएको प्रमुख प्रशासकिय अधिकृत हरिबहादुर चन्दले जानकारी दिएका छन्। कञ्चनपुर: कञ्चनपुरको भीमदत्त नगरपालिका कार्यालयमा कार्यरत १६ जना कर्मचारीमा कोरोना संक्रमण पुष्टी भएको छ। बुधवार कार्यालयले एक सूचनामार्फत उक्त जानकारी दिएको छ।

कर्मचारीमा कोरोना देखिएपछि नगरपालिकाले दिने अत्यावश्यक बाहेकका सेवा पुस ६ देखि १० गते सम्मलाई बन्द गरिएको छ। कोरोना संक्रमणबाट जोगिन जोगाउनको लागि उक्त निर्णय गरिएको प्रमुख प्रशासकिय अधिकृत हरिबहादुर चन्दले जानकारी दिएका छन्। 

]]>
सुदूरपश्चिममा आज ४७७ जनामा कोरोना संक्रमण पुष्टि https://najiknews.com/news/10205 Wed, 19 Jan 2022 19:40:00 +0545 https://najiknews.com/news/10205 सुदूरपश्चिमका नाका भएर एक हजार ४४२ नेपाली स्वदेश फर्केका छन्। भारतबाट फर्किनेहरुको नाकामै एन्टिजेन परीक्षण हुने क्रम जारी छ। भारतबाट फर्कन बढेपछि नै सुदूरपश्चिम प्रदेशमा कोरोना भाइरसको संक्रमण निरन्तर उकालो लाग्न थालेको हो। धनगढी : सुदूरपश्चिम प्रदेशमा आज ४७७ जनामा कोरोना भाइरसको संक्रमण पुष्टि भएको छ। स्वास्थ्य निर्देशनालयका अनुसार एक हजार ७४८ जनाको कोरोना परीक्षण गर्दा ४७७ जनामा संक्रमण पुष्टि भएको हो। 

१९९ जनाको पीसीआरमार्फत र २७८ जनाको एन्टिजेनमार्फत परीक्षण गर्दा संक्रमण पुष्टि भएको निर्देशनालयले जनाएको छ। पीसीआरमार्फत ३१७ जनाको परीक्षण गर्दा १९९ जनामा संक्रमण देखिएको हो।

जुन झण्डै ६३ प्रतिशत हुन्छ। आज संक्रमण पुष्टि भएकामध्ये १७२ जना आजै भारतबाट आएका नागरिक हुन्। त्रिनगर–गौरीफन्टा नाकाबाट भित्रिएका ८३, गड्डाचौकी नाका भएर स्वदेश फर्केका ८१, जुलाघाटबाट फर्केका ३, पुलघाटबाट फर्केका ३ र जौलजिवीबाट फर्केका २ जनामा संक्रमण पुष्टि भएको हो।

सुदूरपश्चिमका नाका भएर एक हजार ४४२ नेपाली स्वदेश फर्केका छन्। भारतबाट फर्किनेहरुको नाकामै एन्टिजेन परीक्षण हुने क्रम जारी छ। भारतबाट फर्कन बढेपछि नै सुदूरपश्चिम प्रदेशमा कोरोना भाइरसको संक्रमण निरन्तर उकालो लाग्न थालेको हो।

पछिल्लो एक सातामा मात्रै प्रदेशका दुई हजार ४७८ जनामा संक्रमण पुष्टि भएको स्वास्थ्य निर्देशनालयले जनाएको छ। पुस २९ गते ३१८, ३० गते ३८३, माघ १ गते २८३, २ गते १८४, ३ गते ३४५ र ४ गते ४८८ जनामा संक्रमण पुष्टि भएको निर्देशनालयले जनाएको छ। यो अवधिमा परीक्षण भएका झण्डै ३० प्रतिशतमा संक्रमण देखिएको हो। 

]]>
नियमित विद्युतको माग गर्दै बाजुरा प्रशासनमा नागरिकको धर्ना, दलहरुले पनि गरे समर्थन https://najiknews.com/news/10204 Wed, 19 Jan 2022 19:01:12 +0545 https://najiknews.com/news/10204 पहिलो दिन नियमित विद्युत आपूर्तिको माग गर्दै नागरिक समाजद्धारा त्रिबेणी साना जलविद्युत केन्द्र र विद्युत वितरण केन्द्र बाजुराको शाखा कार्यालयमा ताला लगाएका थिए । तालाबन्दी दोस्रो दिन पनि कायमै रहेको छ । कार्यालयमा लगाएको ताल ठोस निर्णय नभएसम्म नखोल्ने नागरिक समाजका अगुवा सुरेन्द्र नाथले बताएका छन् । बाजुरा :  नियमित विद्युत आपूर्तिको माग गर्दै नागरिक आन्दोलनको दोस्रो दिन जिल्ला प्रशासन कार्यालयमा धर्ना दिएका छन् । सेवा सुचारुका लागि सरोकारवाला निकाय गैर जिम्मेवार बनेपछि जिल्ला बासीले आन्दोलन सुरु गरेका छन् । निर्णायक आन्दोलन गर्ने उद्घोष सहीत व्यवसायी, युवा विद्यार्थी, नागरिक अगुवाहरु एक ठाउँमा देखिएका छन् । 

पहिलो दिन नियमित विद्युत आपूर्तिको माग गर्दै नागरिक समाजद्धारा त्रिबेणी साना जलविद्युत केन्द्र र विद्युत वितरण केन्द्र बाजुराको शाखा कार्यालयमा ताला लगाएका थिए । तालाबन्दी दोस्रो दिन पनि कायमै रहेको छ । कार्यालयमा लगाएको ताला ठोस निर्णय नभएसम्म नखोल्ने नागरिक समाजका अगुवा सुरेन्द्र नाथले बताएका छन् ।

लोडसेडिङ अन्त्य हुनु पर्ने र नियमित विद्युत आपूर्ति गरिनु पर्ने माग राख्दै जिल्ला सदरमुकाम मार्तडीस्थित तुफान डाँडा हुँदै नारा जुलुससहित प्रर्दशन गरी प्रशासनमा धर्ना दिएका छन् ।

नागरिक आन्दोलनमा जिल्लामा क्रियाशिल राजनीतिक दलले पनि समर्थन गरेका छन् । नेकपा एमाले, नेपाली काँग्रेस, नेकपा माओवादी केन्द्र, एकीकृत समाजवादी लगायतका दलहरुले नागरिक आन्दोलन निर्णायक मोडमा पुग्नु पर्ने र विद्युत सेवा नियमित हुनु पर्ने सवालमा समर्थन गरेका छन् ।

दलका नेताहरु नै नागरिक आन्दोलनमा सक्रिय देखिएका छन् । नियमित विद्युत आपूर्ति,  लोडसेडिङको अन्त्य, प्रशारण लाइन विस्तार लगायतका माग अघि सारेका छन् । आन्दोलन बारे जिल्ला प्रशासन कार्यालय जिम्मेवार नबनेको आरोप नागरिक अगुवाको छ ।

चरणवद्ध आन्दोलन गर्ने निर्णयमा पुगेका नागरिकहरुले भोलि बजार बन्द गर्ने निर्णय गरेका छन् । तालाबन्दी कायम राख्ने र प्रक्रिया अघि नबढेसम्म आन्दोलनका चरणहरु अघि बढाउने निष्कर्षमा स्थानीय छन् । 

विद्युत कार्यालय स्थापना भएको तीन वर्षसम्म विद्युतका पोल गाड्ने बाहेक प्रगति नगरेको प्राधिकरणले विद्युत बाल्ने ग्यारेन्टी नदेखाएसम्म र ठोस कार्य योजना सहीत विश्वास उपल्लो तहबाटै नआएसम्म ताला नखोल्ने अडानमा रहेको नागरिक समाजका अगुवा टेक सुुनारले बताएका छन् ।

माग पूरा नभएसम्म आन्दोलन जारी रहने उनले बताए । समयमै ठोस निर्णय नभए भोलीदेखि थप आन्दोलनका कार्यक्रम अगाडी बढाउने खेमराज साउँदले बताएका छन् ।

यता प्रमुख जिल्ला अधिकारी उपेन्द्रराज पौडेलले यस विषयमा भोली १ बजे बैठक बोलाएको बताएका छन् । यो एक जनाको मात्र समस्या नभएर सम्पूर्ण उपभोक्ताको रहेको भन्दै भोली बस्ने बैठकले ठोस निर्णय गरी केही दिनमै समस्याको समाधान हुने प्रजिअ पौडेलले बताएका छन् । 

जिल्लामा सञ्चालित त्रिबेणी सहकारी संस्था र नेपाल विद्युत प्राधिकरण केन्द्रीय कार्यालयबीच २०६६ सालमा २० वर्षका लागि लिजमा सम्झौता भएको र सो सम्झौताको ठोस निर्णय केन्द्रबाट नआएसम्म यस विषयमा अहिले केही बोल्न नसकिने नेपाल विद्युत प्राधिकरण बाजुरा वितरण केन्द्रका प्रमुख ललित कुमार मण्डलले बताएका छन् । 

सरकारले देशमा लोडसेडिङको अन्त्य घोषण गरेपनि बाजुराका स्थानीयले दैनिक ५ देखि १० घण्टासम्म लोडसेडिङको मार खेप्नु परेको भन्दै बजारवासी आन्दोलनमा उत्रिएका हुन् ।

]]>
बाजुरामा नियमित विद्युत आपूर्ति गर्न माग : आज प्रशासनमा आधा घण्टा धर्ना https://najiknews.com/news/10203 Wed, 19 Jan 2022 18:26:21 +0545 https://najiknews.com/news/10203 जिल्लामा सञ्चालित त्रिबेणी सहकारी संस्था र नेपाल विद्युत प्राधिकरण केन्द्रीय कार्यालयबीच २०६६ सालमा २० वर्षका लागि लिजमा सम्झौता भएको र सो सम्झौताको ठोस निर्णय केन्द्रबाट नआएसम्म यस विषयमा अहिले केही बोल्न नसकिने नेपाल विद्युत प्राधिकरण बाजुरा वितरण केन्द्रका प्रमुख ललित कुमार मण्डलले बताएका छन् । बाजुरा : बाजुरामा नियमित विद्युत आपूर्तिको माग गर्दै जिल्ला सदरमुकाम मार्तडीका नागरिकहरुले आज आन्दोलनको दोस्रो दिन जिल्ला प्रशासन कार्यालयमा आधा घण्टा धर्ना दिएका छन् ।

जिल्ला प्रशासन कार्यालय बाजुरामा विद्युत आपूर्तिको माग राख्दै पटक–पटक विज्ञप्ती सहीत जानकारी गराउँदा समेत वास्ता नगरेको र मंगलबार आन्दोलन गर्दा पनि यसमा कुनै चासो नदेखाएको भन्दै आज प्रशासनमा धर्ना दिएको नागरिक समाज बाजुराले जनाएको छ । 

मंगलबार नियमित विद्युत आपूर्तिको माग गर्दै नागरिक समाजद्धारा शान्तीपूर्ण आन्दोलनसहित त्रिबेणी साना जलविद्युत केन्द्र र विद्युत वितरण केन्द्र बाजुराको शाखा कार्यालयमा ताला लागाएको थियो ।

नागरिक समाजले कार्यालयमा हिजोदेखि गरेको तालाबन्दी कायमै रहेको छ । कार्यालयमा लगाएको ताल ठोस निर्णय नभएसम्म नखोल्ने नागरिक समाजका अगुवा सुरेन्द्र नाथले बताएका छन् ।

No description available.लोडसेडिङ अन्त्य हुनु पर्ने र नियमित विद्युत आपूर्ति गरिनु पर्ने माग राख्दै जिल्ला सदरमुकाम मार्तडीस्थित तुफान डाँडा हुँदै नारा जुलुससहित प्रर्दशन गरी प्रशासनमा धर्ना दिएको नाथले बताए ।

विद्युत नियमित आपूर्ति पूरा, लोडसेडिङ अन्त्य, प्रशारण लाइन लगत्तै विस्तार हुनुपर्ने लगाएतका मागसहित प्रशासनमा धर्ना दिएको छ । धर्नामा यस विषयमा प्रशासन मौन रहेको भन्दै ठोस निर्णय नभएसम्म चरणबद्ध आन्दोलन गर्ने चेतावनी समेत दिएको छ ।

कार्यालय स्थापना भएको तीन वर्षसम्म विद्युतका पोल गाड्ने बाहेक प्रगति नगरेको प्राधिकरणले विद्युत बाल्ने ग्यारेन्टी नदेखाएसम्म र ठोस कार्य योजना सहीत विश्वास उपल्लो तहबाटै नआएसम्म ताला नखोल्ने अडानमा रहेको नागरिक समाजका अगुवा टेक सुुनारले बताएका छन् ।

माग पूरा नभएसम्म आन्दोलन जारी रहने उनले बताए । समयमै ठोस निर्णय नभए भोलीदेखि थप आन्दोलनका कार्यक्रम अगाडी बढाउने खेमराज साउँदले बताएका छन् । यातायात, बजार, विद्यालय, सम्बन्धीत कार्यालय लगायत बन्द गर्ने कार्यक्रम रहेको उनले बताए ।

No description available.यता प्रमुख जिल्ला अधिकारी उपेन्द्रराज पौडेलले यस विषयमा भोली १ बजे बैठक बोलाएको बताएका छन् । यो एक जनाको मात्र समस्या नभएर सम्पूर्ण उपभोक्ताको रहेको भन्दै भोली बस्ने बैठकले ठोस निर्णय गरी केही दिनमै समस्याको समाधान हुने प्रजिअ पौडेलले बताए । 

त्रिवेणी बचत तथा ऋण सहकारी संस्था र नेपाल विद्युत प्राधिकरण केन्द्रीय कार्यालयबीच २०६६ सालमा २० वर्षका लागि लिजमा सम्झौता भएको र सो सम्झौताको ठोस निर्णय केन्द्रबाट नआएसम्म यस विषयमा अहिले केही बोल्न नसकिने नेपाल विद्युत प्राधिकरण बाजुरा वितरण केन्द्रका प्रमुख ललित कुमार मण्डलले बताएका छन् । 

विद्युत आपूर्तिको माग गर्दै बुझाएको प्रेस विज्ञप्ती, ध्यानाकर्षण पत्र, विभिन्न माध्यमबाट कार्यालयलाई गरेको ध्यानाकर्षणलाई मध्येजनर गर्दै प्रक्रियागत आफ्नो माथिल्लो निकाय समक्ष जानकारी गराईसकेको उनले बताए ।

मण्डलले भने नेपाल विद्युत प्राधिकरण केन्द्रीय कार्यालय र त्रिवेणी बचत तथा ऋण सहकारी संस्थाबीच लिजमा भएको सम्झौता तोडेर हुन्छकी, संसोधन गरेर हुन्छ जसरी भएपनि जाडो भन्दा चाडो निकास आउला भन्ने विश्यास रहेको छ ।

सरकारले देशमा लोडसेडिङको अन्त्य गरेको भएपनि  बाजुराबासीले दैनिक ५ देखि १० घण्टासम्म लोडसेडिङको मार खेप्नु परेको भन्दै बजारवासी आन्दोलनमा उत्रिएका हुन् ।

]]>
निजामती कर्मचारी संगठन बाजुराको ९ औं जिल्ला अधिवेशन मार्तडीमा सञ्चालन https://najiknews.com/news/10202 Wed, 19 Jan 2022 18:11:20 +0545 https://najiknews.com/news/10202 उहाँहरुले कर्मचारी राज्यको स्थायी सरकार र जनताको सेवक भएकोले नागरिक सेवामा प्रतिवद्ध रहनु पर्ने बताएका छन् । शुभकामना मन्तव्य राख्ने एमाले प्रदेश कमिटी सदस्य जहरसिंह थापा, पार्टी जिल्ला सचिव भरत थापा, कर्मचारी संगठनका नेताहरु, अनेरास्ववियुका उपमहासचिव नरेश रोकाया, निजामती युनियन संघका अध्यक्ष कुलबहादुर रावल सहीतले कर्मचारीको पहिलो जिम्मेवारी जनताको सेवा भएको बताएका छन् । बाजुरा :  नेपाल निजामती कर्मचारी संगठन बाजुराको नवौं जिल्ला अधिवेशन मार्तडीमा सुरु भएको छ । नयाँ नेतृत्व चयन र संगठनका आगामी नीति कार्यक्रम तय गर्ने गरि अधिवेशन सञ्चालन गरिएको हो ।

नेकपा एमाले बाजुराको पार्टी कार्यालय हलमा आयोजना गरिएको अधिवेशनको उद्घाटन नेकपा एमाले केन्द्रीय सदस्य एवं प्रतिनिधी सभा सदस्य लालबहादुर थापाले गरेका हुन् ।

संगठनका पूर्व केन्द्रीय अध्यक्ष पुण्य ढकालको बिशेष उपस्थितिमा उद्घाटन समारोह सञ्चालन गरेको संगठनले अधिवेशनबाट २१ सदस्यीय नयाँ जिल्ला नेतृत्व चयन गर्ने अध्यक्ष मिनप्रसाद जैशीले बताएका छन् ।

निजामती सेवामा आवद्ध र सरकारी सेवामा कार्यरत एमालेका शुभेच्छुक कर्मचारीहरुको छाता संगठनका रुपमा रहेको निजामती कर्मचारी संगठनको बन्द सत्र पनि आजैबाट सञ्चालन भएको छ ।

संगठनका जिल्ला अध्यक्ष मिनप्रसाद जैशीको अध्यक्षतामा सञ्चालन भएको कार्यक्रमको प्रमुख अतिति प्रतिनिधी सभा सदस्य लालबहादुर थापा रहनु भएको थियो, भने बिशिष्ठ अतिथि निजामती कर्मचारी संगठनका केन्द्रीय अध्यक्ष पुण्य प्रसाद ढकाल रहनु भएको थियो ।

उहाँहरुले कर्मचारी राज्यको स्थायी सरकार र जनताको सेवक भएकोले नागरिक सेवामा प्रतिवद्ध रहनु पर्ने बताएका छन् । शुभकामना मन्तव्य राख्ने एमाले प्रदेश कमिटी सदस्य जहरसिंह थापा, पार्टी जिल्ला सचिव भरत थापा, कर्मचारी संगठनका नेताहरु, अनेरास्ववियुका उपमहासचिव नरेश रोकाया, निजामती युनियन संघका अध्यक्ष कुलबहादुर रावल सहीतले कर्मचारीको पहिलो जिम्मेवारी जनताको सेवा भएको बताएका छन् ।

दिपेन्द्र पाण्डेले सञ्चालन गरेको कार्यक्रमको स्वागत मन्तव्य उपाध्यक्ष अंगत महतले गरेका हुन् । कोरोना जोखिमको विषयलाई लिएर २५ जना भन्दा बढी उपस्थित हुन सरकारले रोक लगाएपनि पूर्व निर्धारित कार्यक्रम भएकोले स्वास्थ्य मापदण्ड पुरा गरेर कार्यक्रम गरिएको संगठनले बताएको छ । 

]]>
सुनिता रावतको हौंला भन्थी एक देउडा गीत बजारमा [भिडियाे सहित] https://najiknews.com/news/10201 Wed, 19 Jan 2022 17:54:54 +0545 https://najiknews.com/news/10201 खप्तड छेडेदह गाउँपालिका ७ की रावतले आफ्नै लगानी र स्वरमा पहिलो कोशेली देउडा गीत बजारमा ल्याएकी हुन् । विनोद बाजुरालीको संगीत रहेको गीतको भिडियो भीम थापा निर्देशक गरेका हुन् । बुढीनन्दा नगरपालिका ४ कुरु क्षेत्र र आटीचौर सरोफेरोलाई गीतको भिडियोमा कैद गरिएको छ । बाजुरा : नव गायीका सुनिता रावतको हौंला भन्थी एक नामक देउडा गीत बजारमा आएको छ । खप्तड छेडेदह गाउँपालिका ७ को प्राकृतिक सुन्दरता र माया पिरतीको कथालाई समेटेर तयार पारिएको देउडा गीतको म्यूजिक भिडियो खप्तड डिजिटज म्यूजिक प्रालिको यूटुब च्यानल मार्फत बजारमा आएको हो । 

खप्तड डिजिटज म्यूजिक प्रालिले गीतको म्यूजिक भिडियो बजारमा ल्याएको हो । चर्चित गीतकार राजेन्द्र शाह बिपीको लय शब्द रहेको गीतको छायाकंन डिबी रौलेले गरेका हुन् । टेक विष्ट र रोजी कुँवरको अभिनय रहेको गीतमा लोकप्रीय देउडा गायक प्रकाश थापा र सुनिता रावतको स्वर रहेको छ ।

खप्तड छेडेदह गाउँपालिका ७ की रावतले आफ्नै लगानी र स्वरमा पहिलो कोशेली देउडा गीत बजारमा ल्याएकी हुन् । विनोद बाजुरालीको संगीत रहेको गीतको भिडियो भीम थापा निर्देशक गरेका हुन् । बुढीनन्दा नगरपालिका ४ कुरु क्षेत्र र आटीचौर सरोफेरोलाई गीतको भिडियोमा कैद गरिएको छ ।  

प्रेम प्रेमीकाको सवाल जवाफ रहेको गीतमा माया पीरतीमा प्रेमील गुनासोलाई समेट्न खोजिएको छ । सकेजतिको प्रेम गर्दा पनि गुनासो गर्ने प्रेमी प्रतिको रिस र आक्रोशलाई गीतका शब्द मार्फत पोखिएको छ । 

]]>
दलित समुदाय माथिको दमन र विभेद अन्त्यको माग गर्दै मुक्ती मोर्चाले बुझायो प्रधानमन्त्रीलाई ज्ञापन पत्र https://najiknews.com/news/10200 Wed, 19 Jan 2022 17:33:19 +0545 https://najiknews.com/news/10200 “संविधान र कानूनको कार्यान्वयन सहित दलित अधिकारको सम्बोधन, जातीय भेदभाव तथा छुवाछूत अन्त्यका लागि राष्ट्रिय आन्दोलन” उद्घोष गर्दै मुक्ति समाज यतिबेला देशव्यापी आन्दोलित छ । आज मात्र ७७ वटै जिल्ला प्रशासन कार्यालय मार्फत ज्ञापन पत्र बुझाएको मुक्ती समाजका नेता शंकर चदाराले बताएका छन् । बाजुरा : दलित माथिको दमन र विभेद अन्त्यगर्न माग गर्दै नेपाल उत्पीडित जातीय मुक्ति समाज बाजुराले प्रधानमन्त्रीलाई ज्ञापन पत्र बुझाएका छन् । जिल्ला प्रशासन कार्यालय मार्फत प्रधानमन्त्री तथा मन्त्री परिषद्को कार्यालयमा २० बुँदे माग पत्र सहीतको ज्ञापन पत्र बुझाएको हो । 

“संविधान र कानूनको कार्यान्वयन सहित दलित अधिकारको सम्बोधन, जातीय भेदभाव तथा छुवाछूत अन्त्यका लागि राष्ट्रिय आन्दोलन” उद्घोष गर्दै मुक्ति समाज यतिबेला देशव्यापी आन्दोलित छ । आज मात्र ७७ वटै जिल्ला प्रशासन कार्यालय मार्फत ज्ञापन पत्र बुझाएको मुक्ती समाजका नेता शंकर चदाराले बताएका छन् । 

शदियौं अघि देखिका सामन्ती राज्यव्यवस्था, धार्मिक अतिवाद, उच्च जातीय अहंकार र एकात्मक राजनीतिक षड्यन्त्रद्वारा बलपूर्वक लादिएको मानव जातीकै कलंक जातीय भेद्भाव तथा छुवाछूत प्रथा एवं सवै क्षेत्रमा व्याप्त शोषण दमन भोग्नु गरेको आक्रोश दलित समुदायको छ ।

जातकै कारण भएको दमन, विभेद र छुवाछुको अन्त्यका लागि ठोक पहल गरिनु पर्ने र जातकै नाममा घटेका घटनाको छानवीन सहीत दोषी अपराधीहरुलाई हदै सम्मको सजाय दिन र पिडित पक्षलाई क्षतिपूर्ती सहित न्याय दिलाउन मोर्चाले माग गरेको छ ।

अन्तरजातीय विवाहको कारण दलित समुदायका व्यक्तिहरु मारिनु पर्ने, वेपत्ता पारिनु पर्ने, निर्मम यातना सहित अपमानित भएर समाजमा जिउन वाध्य पारिनु मानवता विरोधी कार्य भएकोले घटनालाई कानूनको दायरामा ल्याई समाजमा सम्मानीत जीवन यापन गर्ने वातावरण बनाउन पनि माग गरेको छ ।

राज्यको नीति अनुरुप आधारभूत तह देखि उच्च शिक्षा र प्राविधिक शिक्षा क्षेत्रमा छात्रवृत्ति कार्यक्रम पर्याप्त हुने गरि लागु गरिनु पर्ने, सरकारी नीति अनुसार विदेशमा उच्च शिक्षा पढ्न पाउने छात्रवृत्ति कोटामा दलित विद्यार्थीहरुलाई प्राथमिकता साथ समावेश गरिनु पर्ने माग राखेको छ ।

दलित समुदायको परम्परागत पेशा व्यवसाय सिप र कलाको विकास, पर्वद्धन बजारीकरण र आधुनिकिकरणको लागि तिनै तहका सरकारद्धारा ठोस् नीति कार्यक्रम तय गरि तत्काल लागु गर्नु पर्ने, भूमिहीन दलित सुकुम्बासीलाई जमिन उपलब्ध गराउनु पर्ने, जनता आवास कार्यक्रम लक्षित समुदायमा यथाशिघ्र लागु गरिनु पर्ने माग राखेको छ ।

जातीय भेद्भाव तथा छुवाछुत कसूर र सजाय ऐन २०६८ लाई प्रभावकारी कार्यन्वयन गर्न गराउन सरकारी वकिलको कार्यालयहरु, सम्वन्धित प्रहरी कार्यालय र सरोकारवाला पक्षलाई सशक्तिकरणका लागी राष्ट्रिय अभियान सञ्चालन गर्नु पर्ने, सबै प्रहरी कार्यालयमा छुट्टै दलित सेलको व्यबस्था र स्थानीय तहमा छुवाछूत निगरानी केन्द्र स्थापना गर्न माग मोर्चाले गरेको छ ।

निजामती सेवा, न्याय, सेना, प्रहरी, बित्तिय र शिक्षा लगायतका सार्वजनिक सेवामा दलित समुदायका जेहेन्दार व्यक्तिहरुलाई सेवा प्रवेशका लागी सहज व्यवस्था गर्नु पर्ने, सरकारद्धारा घोषित जेठ २१ गते जातीय भेद्भाव तथा छुवाछूत उन्मूलन दिवसलाई राज्यका सवै तहमा भव्यताका साथ मनाउनु पर्ने माग राखेको छ ।

जातीय भेद्भाव तथा छुवाछूत सम्बन्धि अपराधमा कम्तीमा ३ बर्ष देखि १० बर्ष सम्म सजाय र १ लाख देखि ५ लाख सम्म क्षतिपूर्ति  दिलाउन र प्रमाणको भार प्रतिवादीमा रहने गरी ऐन संशोधन गर्नु पर्ने, स्थानीय तहको निर्वाचन संबैधानिक प्रावधान अनुसार निर्धारित समयमै सम्पन्न गर्न अविलम्ब मिति घोषणा गरिनु पर्ने ज्ञापन पत्रमा माग उल्लेख गरेको छ ।

ओमिक्रोन संक्रमण देशव्यापी फैलिरहेकोले सवैको पहु“च हुनेगरी आवश्यक भ्याक्सीन र स्वास्थ सतर्कताको प्रबन्ध गर्नु पर्ने र पूर्ववर्ती सरकारले ल्याएको “सुःखी नेपाली, समृद्ध नेपाल” को अवधारण र विकासका योजनाहरुलाई निरन्तरता दिई मुलुकमा व्याप्त भ्रष्टचार, घुसखोरी, महंगी, बजेट घाटा र आर्थिक दुरुपयोग तुरुन्त नियन्त्रण गर्नु पर्ने माग अघि सारेको छ । 

ज्ञापन पत्र बुझाउन दलित अगुवा काशी विक, शंकर चदारा, सूर्यकिरण विक र सन्तोष विक सहीत जिल्ला प्रशासन कार्यालय पुगेका थिए । ज्ञापन पत्र प्रमुख जिल्ला अधिकारी उपेन्द्रराज पौडेलले बुझ्दै सम्बन्धीत निकायमा पठाउने बताएका छन् । 

]]>
विद्युत नियमित गर्न निर्णायक आन्दोलनमा बाजुराका व्यवसायी, त्रिवेणी र प्राधिकरणमा तालाबन्दी https://najiknews.com/news/10199 Wed, 19 Jan 2022 16:47:30 +0545 https://najiknews.com/news/10199 विद्युत महशुल लिने र तर सेवा नदिने कार्य ठगी धन्दा भएकोले तत्काल सुधार हुन जरुरी रहेको युवा विद्यार्थीको माग छ ।  दैनिक जसो १० घण्टासम्म पनि विद्युत अवरुद्ध हुने गरेको छ । सरकारी तथा गैर सरकारी कार्यालयका सबै कामकाज समेत विद्युत आपूर्ति अभावका कारण प्रभावित हुने गरेका छन् । बाजुरा : विद्युत सेवा नियमित गर्न माग सहीत बाजुराका व्यवसायी निर्णायक आन्दोलनमा जुटेका छन् । शुल्क लिने र विद्युत सेवा नदिने कार्यको विरोध सहीत व्यवसायीकले निर्णायक आन्दोलन सुरु गरेका हुन् । 

आन्दोलन अन्र्तगत व्यवसायीले त्रिवेणी साना जलविद्युत केन्द्र र विद्युत प्राधिकरणको बाजुरा कार्यालयमा तालाबन्दी गरेका छन् । दशक लामो समस्यालाई समाधान गर्न सरोकारवाला पक्ष जिम्मेवार नभएपनि आन्दोलन गर्नु परेको आक्रोश व्यवसायीको छ । 

मार्तडी साना जलविद्युत केन्द्रको स्वामित्व लिएको त्रिवेणी बचत तथा ऋण सहकारी संस्थाले माग अनुसारको विद्युत आपूर्ति गर्न नसकेको आरोप व्यवसायीको छ । मासिक शुल्क लिएपनि सेवा नियमित नभएको व्यवसायी सुरेन्द्र नाथले बताएका छन् ।

उद्योग वाणिज्य संघकै अगुवाईमा निर्णायक आन्दोलन सुरु गरिएको अध्यक्ष देवबहादुर रोकायाले बताएका छन् । आन्दोलनमा व्यापार व्यवसायी, नागरिक समाज, युवा विद्यार्थी सबैले साथ दिएका छन् । 

आन्दोलन टोलीले विद्युत प्राधिकरणको कार्यालय र त्रिवेणी साना जलविद्युत केन्द्रको कार्यालयमा तालाबन्दी गरेका छन् । दैनिक कामकाज नै ठप्प पार्ने गरि कार्यालयमा तालाबन्दी गरेपछि आन्दोलनकारी माथि प्रहरीले हस्तक्षेप गरेको थियो ।

पहिलो दिन प्रहरीको हस्तक्षेपमा आधा दर्जन आन्दोलनकारी घाइते भएका थिए । एक जनाको तीन वटा दाँच नै भाँचिएका छन् । कार्यालयमा तालाबन्दी नगर्न प्रहरीले दमन गरेको आन्दोलनकारीले बताएका छन् ।

विद्युत महशुल लिने र तर सेवा नदिने कार्य ठगी धन्दा भएकोले तत्काल सुधार हुन जरुरी रहेको युवा विद्यार्थीको माग छ ।  दैनिक जसो १० घण्टासम्म पनि विद्युत अवरुद्ध हुने गरेको छ । सरकारी तथा गैर सरकारी कार्यालयका सबै कामकाज समेत विद्युत आपूर्ति अभावका कारण प्रभावित हुने गरेका छन् ।

२०७२ सालदेखि नै उज्यालो बाजुराको अभियान थालेका राजनीतिक दल समेत यतिबेला मौन जस्तै देखिएका छन् । भाडामा सम्झौता गरिएपनि त्रिवेणीको सामथ्र्य नै नपुग्ने अवस्थामा पनि प्राधिकरण मौन हुनु दुखद विषय बनेको छ ।

चरणवद्ध आन्दोलन सुरु गरेका व्यवसायीले विद्युत नियमतिको ग्यारेन्टी नभएसम्म विरोधका कार्यक्रम जारी राख्ने बताएका छन् । राष्ट्रिय प्रशारण लाइन विस्तार भएर पावर हाउस नजिकै पुगिसकेको छ । सरकारले देशमा लोडसेडिङको अन्त्य गरेको भएपनि बाजुरा बासीले दैनिक ५ देखि १० घण्टासम्म लोडसेडिङको मार खेप्नु परेको भन्दै बजारवासी आन्दोलनमा उत्रिएका हुन् ।

विद्युत सेवा नियमित र लोडसेडिङ अन्त्य गर्नु पर्ने माग गर्दै आन्दोलमा उत्रिएका स्थानीयले आज दोस्रो दिन पनि जिल्ला प्रशासन कार्यालयमा धर्ना दिनुका साथै बजारमा विरोध र्याली निकालेका छन् ।

विद्युत समस्याकै कारण जनजीवन अस्तव्यस्त हुँदा समेत प्राधिकरण र त्रिवेणी साना जलविद्युतले टालटुल मात्र गर्ने गरेको आरोप छ । सम्झौता खारेज गरेर तत्काल प्राधिकरणले राष्ट्रिय प्रशारण लाइन विस्तारको माग गरेका छन् । 

जिल्ला प्रशासन कार्यालय र स्थानीय राजनीतिक दलले समेत आन्दोलनलाई व्यवास्ता गरेको आक्रोश व्यवसायीको छ । विद्युत सबैलाई चाहिएको हो, सरकारमा बस्ने र सरकारको प्रतिनिधित्व गर्ने दलहरुले जनताको समस्यालाई संवोधन गर्न नसकेको गुनासो स्थानीयको छ । 

त्रिवेणीकै हाल २ हजार बढी ग्राहक छन् । २ सय किलोवाट क्षमताको विद्युत छ । जुन सबैलाई धान्न सक्ने अवस्था नै छैन् । केन्द्रीय लाइन जडान नगरि समस्या समाधान नहुने जानकारीहरुको निष्कर्ष छ । 

उसो त यता त्रिवेणीले भने आफूहरु प्रक्रियामा रहेको बताउने गरेको छ । प्राधिकरणले पनि लाइन सञ्चालनका लागि प्रक्रिया अघि बढीसकेको आश्वासन दुई वर्ष यता दिदै आएको छ । आश्वासनले धोका पाएपछि स्थानीय बाध्य भएर आन्दोलित बनेका हुन् । 

]]>
पहिलो पटक महिनावारी हुँदा केक काटेर ‘सेलिब्रेसन’ https://najiknews.com/news/10198 Wed, 19 Jan 2022 14:03:47 +0545 https://najiknews.com/news/10198 मासिक श्राव भएको बेला अरु बेलाभन्दा बढी साथ चाहिने भन्दै उनी भन्छन्, ‘मुख्य कुरा हाइजिन मेन्टेन हो । सफासुग्घर भएमात्रै पनि धेरै थोक राम्रो हुन्छ । यतिबेला चाहिने भनेकै हाम्रो साथ, सहयोग हो ।’ पोखरा : खेल्दै कुद्दै गरेकी प्रदिष्णा सुवेदी (११) लाई पुस २९ गते अचानक ढाड दुखेजस्तो भयो । शरीरमा अचानक केही फेरबदलको महसुस हुन थालेपछि वासरुम गइन् । त्यहाँ पुगिसकेपछि थाहा भयो, उनलाई मासिक श्राव (महिनावारी) भएको रहेछ । त्यतिबेला साँझ करिब ५ बजेको थियो ।

पाँच कक्षामा पढ्दै गरेकी प्रदिष्णाको त्यो पहिलो मासिकश्राव अनुभव थियो । आफूलाई ‘पिरियड’ हुन सुरु भएको सुनाउन उनी आमा कोपिला भण्डारी कहाँ पुगिन् र भनिन्, ‘मलाई पिरियड भयो ।’ 

त्यसपछि कोपिलाले सेनिटरी प्याडसहितको बन्दोबस्त गरिदिइन् । छोरीको महिनावारी खुसीमा परिवार सामेल मात्रै भएनन् । साथीभाइ जम्मा भएर ‘सेलिब्रेसन’ नै चल्यो । त्यही दिन साँझ प्रदिष्णाको नाममा केक आइपुग्यो । त्यहाँ लेखिएको थियो, ‘ह्याप्पी फस्ट पिरियड माई बेबी !’

पोखरा विरौटाकी प्रदिष्णालाई त्यो क्षण वास्तवमै खुसीको दिन थियो । ‘यसै पनि केक मलाई खुब मन पर्छ । मेरो फर्स्ट पिरियडमै केक ल्याएर सेलिब्रेसन गरिदिए पछि झनै खुुसी भएँ,’ उनी भन्छिन् । ‘फर्स्ट पिरियड’ सेलिब्रेसनमा साथ दिन साथी पनि आउँदा उनको खुसी झनै दोब्बर बढ्यो ।

प्रदिष्णाले महिनावारी हुँदा छोइछिटो चलेको त्यसअघि सुनेकी मात्रै थिइनन्, देखेकै थिइन् । महिनावारी भएकोबेला कसैलाई भान्सामा छिर्नै नदिएको, नजिक पर्नै नदिएको उनको आँखा अगाडिकै घटनाहरु थिए ।

तर प्रदिष्णा ती डरबाट पहिले नै मुक्त थिइन् । ‘मलाई पहिले नै मम्मीले (महिनावारीबारे) भनिराख्नु भएको थियो, त्यस्तो केही भयो भने मलाई भन् है,’ प्रदिष्णा सुनाउँछिन्, ‘पहिलो दिन अलि धेरै ढाड दुखेको थियो । त्यसबाहेक अरु दुःख भएन ।’ अन्य दिन झैं उनी भान्सा गइन्, बसिन्, खाइन् ।

आमा भन्छिन्- अन्धविश्वास चिर्न सेलिब्रेट गर्‍यौं

पोखरामा सामान्य व्यवसाय गर्दै आइरहेका प्रदिष्णाकी आमा कोपिला भण्डारीले आफ्नो पहिलो महिनावारीको बेला साह्रै दुःख पाएकी थिइन् । अहिलेजस्तो स्यानिटरी प्याड त्योबेला सहज पाइँदैनथ्यो । लुगाफाटाकै भरमा मासिकश्राव पार गर्नुपर्थ्यो । कोपिलालाई सधैं लागिरह्यो, ‘मैले जस्तो दुःख छोरीले नपाओस् । महिनावारी छोरीको मानसिक तनावको कारण नबनोस् ।’ उमेर पुग्दै गएपछि उनले छोरीलाई ‘महिनावारी सामान्य हो, लुक्नु, डराउनु पर्दैन’ भनेर बताइरहन्थिन्, सुनाइरहिन्थन् । प्रदिष्णा घरकी पहिलो छोरी पनि हुन् ।

‘मेरो पालामा महिनावारी भयो भने लुक्नुपर्थ्यो। जति पीडा भए पनि सुनाउने र सुन्ने कोही हुन्थेनन् । ६/७ दिन लुकेर बस्नुपर्थ्यो,’ कोपिला भन्छिन्, ‘मैले भोगेको पीडा छोरीले नभोगोस् भनेर सचेत थिएँ । यसबारे भनिरहन्थें । छोरीले आफूलाई पिरियड भएको भनेपछि हामी पनि खुसी भयौं ।’

छोरीको पहिलो मासिकश्राव भएको थाहा पाएपछि कोपिलाले आफ्नो बहिनीसँग सल्लाह गरिन् । परिवार पनि उनको योजनामा सामेल बने । उत्सव चल्यो । आफूहरुले छोरीको पहिलो मासिकश्रावलाई देखाउनका लागि मात्रै उत्सवका रुपमा नमनाएको कोपिला सुनाउँछिन् ।

‘महिनावारीको बेला किचेनमा पनि जान नदिने छ । मन लागेको खानै नपाउने मात्रै होइन, तीर्खा लाग्दासमेत पानी पिउनसमेत नपाउने छ,’ भन्छिन्, ‘हामीले छोरीलाई किचेन पनि रोकेनौं, मन लागेको खान पनि रोकेनौं । देखाउन मात्रै सेलिब्रेसन गरेका होइनौं ।’

मासिक श्राव भएको बेला अरु बेलाभन्दा बढी साथ चाहिने भन्दै उनी भन्छन्, ‘मुख्य कुरा हाइजिन मेन्टेन हो । सफासुग्घर भएमात्रै पनि धेरै थोक राम्रो हुन्छ । यतिबेला चाहिने भनेकै हाम्रो साथ, सहयोग हो ।’

प्रदिष्णाले पहिलो पिरियड सेलिब्रेसन गरेको तस्वीर अहिले सामाजिक सञ्जालमा भाइरल छ । प्रतिक्रियाहरु मिश्रित छन्, कसैले राम्रो भनेका छन् त कसैले ‘देखावटी’ । आमा कोपिला भन्छिन्, ‘त्यो मान्छेहरुको सोचमा भर पर्ने कुरा हो । तर, हामीले यो समाजको अन्धविश्वास हटाउन सेलिब्रेट गरेका हौं ।’

]]>
भारतमा छोरीलाई बेपत्ता पारेको आरोपमा बझाङका एक जना पक्राउ https://najiknews.com/news/10197 Wed, 19 Jan 2022 14:01:53 +0545 https://najiknews.com/news/10197 पक्राउ पर्नेमा बझाङ घर भएका ३८ पर्षीय दीपक कामी रहेको उत्तराखण्डको पिथौरागढस्थित प्रहरीले जनाएको छ। कामीलाई पक्राउ गरी कानूनी प्रकृया अघि बढाएको छ। कामीबिरुद्ध पाँक्सो कानून अन्तर्गत मुद्धा दर्ता गरिएको बताइएको छ। धनगढीः भारतमा आफ्नै छोरीलाई बेपत्ता पारेको आरोपमा एक नेपाली पक्राउ परेका छन्। भारतको पिथौरागढ बिभिन्न प्रलोभन देखाएर दुष्कर्म गरेको र बेपत्ता पारेको आरोपमा उनी पक्राउ परेका हुन्। 

पक्राउ पर्नेमा बझाङ घर भएका ३८ पर्षीय दीपक कामी रहेको उत्तराखण्डको पिथौरागढस्थित प्रहरीले जनाएको छ। कामीलाई पक्राउ गरी कानूनी प्रकृया अघि बढाएको छ। कामीबिरुद्ध पाँक्सो कानून अन्तर्गत मुद्धा दर्ता गरिएको बताइएको छ। 

उनले आफ्नै नाबालिक छोरीलाई बेपत्ता पारेको भन्दै एक स्थानीयले कोतवालीमा उजुरी गरेका थिए। प्रहरीले बेपत्ता बालिकालाई खोजतलास गरेर अभिभावकको जिम्मा लगाएका छन्। दीपकलाई भने पिथौरागढस्थित अदालतमा प्रस्तुत गरिएको छ। यसअघि पिथौरागढमा आफ्नै छोरीलाई बलात्कार गरेको अभियोगमा बझाङकै एकजनालाई त्यहाँको अदालतले मृत्युदण्डको सजाय सुनाएको थियो। 

]]>
बैतडीमा संक्रमित बढ्दै, नाकामै परीक्षण https://najiknews.com/news/10196 Wed, 19 Jan 2022 13:58:19 +0545 https://najiknews.com/news/10196 स्वास्थ्य कार्यालयका प्रमुख योगेशप्रसाद भट्टकाअनुसार प्रदेशको पहाडी जिल्लामध्ये सबैभन्दा बढी जोखिममा बैतडी छ। उनले भने,“भारतसँग सीमा जोडिएकोले जिल्ला पनि उच्च जोखिममा छ।” हाल जिल्लामा सक्रिय संक्रमितको संख्या ४६ पुगिसकेका छन्। बैतडीः पछिल्लो समय जिल्लामा कोरोना संक्रमित बढ्दै गएका छन्। भारतमा संक्रमण बढ्दै गएकोले यसको प्रभाव यहाँ पनि परेको हो। स्वास्थ्य कार्यालयका प्रमुख योगेशप्रसाद भट्टकाअनुसार प्रदेशको पहाडी जिल्लामध्ये सबैभन्दा बढी जोखिममा बैतडी छ। उनले भने,“भारतसँग सीमा जोडिएकोले जिल्ला पनि उच्च जोखिममा छ।” हाल जिल्लामा सक्रिय संक्रमितको संख्या ४६ पुगिसकेका छन्।

कार्यालय स्रोत व्यक्ति चन्दन सुवेदीका अनुसार सक्रिय संक्रमितमध्ये सबैभन्दा बढी सदरमुकामस्थित दशरथचन्द नगरपालिकामा १७ जना छन्। यस्तै पाटन , पुर्चौंडी र मेलौली नगरपालिकामा क्रमशः सात ,चार र दुई पञ्चेश्वरमा छ,सिगासमा दुई, सुर्नया एक, शिवनाथ गाउँपालिकामा एक जना छन्। सक्रिय संक्रमित सबै होम आइसोलेशनमा छन्।

यसैबीच दोगडाकेदार र डिलाशैनी गाउँपालिकामा कोरोनाका सक्रिय संक्रमित शून्य छन्। यी पालिकामा हाल एकजना पनि सक्रिय संक्रमित नरहेका स्वास्थ्य कार्यालयले जनाएको छ। सिमानाका झुलाघाटमा हेल्थ डेस्क स्थापना गरी नेपाल भित्रिने सबै नागरिकको अनिवार्य रुपमा कोरोना परीक्षण गरिँदैछ। नाकाबाट फर्किने नागरिकको एन्टिजेन विधिमार्फत परीक्षण गरिन लागिएको हो। 

कोरोना संक्रमणबाट बच्न जनस्वास्थ्यका मापदण्डपालना गर्न आग्रह गरिएको छ। जिल्लाका हालसम्म संक्रमणकै कारण १९ जनाले ज्यान गुमाइसकेका छन्।

]]>
सुदूरपश्चिममा २१९३ सक्रिय संक्रमित, १६२ जना मात्रै अस्पतालमा https://najiknews.com/news/10195 Wed, 19 Jan 2022 13:55:04 +0545 https://najiknews.com/news/10195 प्रदेशमा पुसको अन्तिम सातादेखि निरन्तर रुपमस कोरोना भाइरसको ग्राफ उकालो लाग्दै आएको छ। दैनिक तीनदेखि चार सय जना संक्रमित थपिएका छन्। धनगढी : सुदूरपश्चिम प्रदेशमा कोरोना भाइरसका सक्रिय संक्रमितको संख्या दुई हजार एक सय नाघेको छ। स्वास्थ्य निर्देशनालय डोटीले मंगलबार सार्वजनिक गरेको तथ्यांकअनुसार प्रदेशमा सक्रिय संक्रमितको संख्या दुई हजार १९३ पुगेको हो। जसमा सबैभन्दा बढी कैलालीका एक्टिभ केस छन्। जिल्लामा एक हजार ३५३ सक्रिय संक्रमित रहेका छन्।

यस्तै कञ्चनपुरमा ५ सय ५५, डोटीमा ४९, बैतडीमा ३२, बाजुरामा ६१, डडेल्धुरा ३४, दार्चुला १२, बझाङमा ३४ र अछाममा ३७ जना संक्रिय संक्रमित रहेका छन्। यीमध्ये २ सय २९ जना मात्रै संस्थागत आइसोलेसनमा र १६२ जना अस्पतालहरुमा रहेको निर्देशनालयको तथ्याङ्कमा उल्लेख छ। ५ जनाको आइसियू र दुई जनाको भेन्टिलेटरमा राखेर  उपचार भइरहेको छ। 

प्रदेशमा पुसको अन्तिम सातादेखि निरन्तर रुपमस कोरोना भाइरसको ग्राफ उकालो लाग्दै आएको छ। दैनिक तीनदेखि चार सय जना संक्रमित थपिएका छन्।

]]>
सुदूरपश्चिमका ३६ प्रतिशतले पहिलो डोज पनि पाएनन्, सातामै थपिए २२५५ संक्रमित https://najiknews.com/news/10194 Wed, 19 Jan 2022 13:51:24 +0545 https://najiknews.com/news/10194 पछिल्लो एक सातामा मात्रै प्रदेशका दुई हजार २५५ जनामा संक्रमण पुष्टि भएको स्वास्थ्य निर्देशनालयले जनाएको छ। पुस २८ गते २५४, २९ गते ३१८, ३० गते ३८३, माघ १ गते २८३, २ गते १८४, ३ गते ३४५ र ४ गते ४८८ जनामा संक्रमण पुष्टि भएको निर्देशनालयले जनाएको छ। धनगढी : सुदूरपश्चिम प्रदेशमा कोरोना भाइरसको संक्रमण निरन्तर उकालो लाग्न थालेको छ। पुस अन्तिम सातादेखि प्रदेशमा संक्रमण दर उकालो लागेको हो। कोरोना भाइरसको संक्रमण दर उच्च रहेको भारतबाट स्वदेश फर्कन बढेसंगै सुदूरपश्चिममा पनि संक्रमणको ग्राफ उकालो लागेको हो। 

पछिल्लो एक सातामा मात्रै प्रदेशका दुई हजार २५५ जनामा संक्रमण पुष्टि भएको स्वास्थ्य निर्देशनालयले जनाएको छ। पुस २८ गते २५४, २९ गते ३१८, ३० गते ३८३, माघ १ गते २८३, २ गते १८४, ३ गते ३४५ र ४ गते ४८८ जनामा संक्रमण पुष्टि भएको निर्देशनालयले जनाएको छ। 

यो अवधिमा परीक्षण भएका झण्डै ३० प्रतिशतमा संक्रमण देखिएको हो। पछिल्लो दुई दिनमा भने पीसीआर परीक्षण गरेका ६० प्रतिशत बढीमा संक्रमण देखिएको स्वास्थ्य निर्देशनालयले सार्वजनिक गर्दै आएको तथ्यांकमा उल्लेख छ।

 ३६ प्रतिशतले पहिलो डोज पनि लगाउन पाएनन्    
सुदूरपश्चिमका ५९ प्रतिशत अर्थात झण्डै १२ लाख नागरिकले कोरोना भाइरस विरुद्धको पूर्ण खोप लगाएका छन्। स्वास्थ्य निर्देशनालयका अनुसार ४१ प्रतिशत नागरिक भने पूर्ण खोपबाट बञ्चित रहेका हुन्। 

‘संघीय सरकारले अहिलेसम्म सुदूरपश्चिमलाई २७ लाख ८७ हजार डोज खोप उपलब्ध गराएको छ,’ निर्देशनालयका निमित्त निर्देशक डाक्टर जगदिश जोशीले भने, ‘सरकारको लक्ष्य पुस मसान्तसम्म ६६ प्रतिशत पुगाउने थियो। हाम्रो प्रदेशमा पूर्ण खोप लगाउने नागरिकको संख्या ५९ प्रतिशत पुगेको छ।’

उनका अनुसार ६४ प्रतिशत नागरिकले भने कोरोना भाइरस विरुद्धको खोपको पहिलो मात्रा लगाएका छन्। पहिलो डोज लगाउन नपाउने नागरिकको संख्या ३६ प्रतिशत छ। अहिले कोरोना भाइरसको तेस्रो भेरियण्ट ओमिक्रोनको समेत संक्रमण फैलिने खतरा बढेका बेला बुस्टर डोज लगाउने अभियान पनि सञ्चालन भएको छ।

‘कोरोना भाइरस नियन्त्रणका लागि फ्रन्ट लाइनमा काम गर्नेहरुका लागि बुस्टर डोज प्राप्त भएको छ,’ निर्देशनालयका निमित्त निर्देशक डा. जोशीले भने। 

]]>
बडीमालिका–७ मा बालबालिकालाई न्यानो कपडा वितरण https://najiknews.com/news/10193 Wed, 19 Jan 2022 10:49:55 +0545 https://najiknews.com/news/10193 बडीमालिका नगरपालिका वडा नंं.७ का वडाध्यक्ष धर्मराज पाध्यायको पहँल र सामाजिक सेवा समूह फाउण्डेसन नेपालकोे आर्थिक सहयोगमा चिसो छल्न बालबालिकालाई न्यानो कपडा वितरण गरिएको बताईएको छ । बाजुरा : जिल्लाको बडीमालिका नगरपालिका–७ मा बालबालिकालाई न्यानो कपडा वितरण गरिएको छ । सोही वडामा रहेका ४ वटा विद्यालयका १ सय ६५ जना बालबालिकालाई न्यानो कपडा वितरण गरिएको हो । 

बडीमालिका नगरपालिका वडा नंं.७ का वडाध्यक्ष धर्मराज पाध्यायको पहँल र सामाजिक सेवा समूह फाउण्डेसन नेपालकोे आर्थिक सहयोगमा चिसो छल्न बालबालिकालाई न्यानो कपडा वितरण गरिएको बताईएको छ ।

चिसो प्रभावित ढम्कनेस्थित सरस्वती आधारभूत विद्यालयका १ सय ३५ जना र अन्य तीन वटा सामुदायिक विद्यालयका १०÷१० गरी १ सय ६५ जना विपन्न बालबालिकालाई ज्याकेट वितरण गरिएको वडाध्यक्ष धर्मराज पाध्यायले बताएका छन् ।

बडिमालिका नगरपालिका ७ का १ सय ६५ जना बालबालिकालाई न्यानो लुगा बितरणचिसो बढेसँगै आर्थिक रुपमा विपन्न, बाढीपीडित, असहाय, बालबालिकालाई न्यानो कपडा वितरण गरिएको उनले बताए । चिसो छल्न वितरण गरिएको ज्याकेटले बालबालिकालाई चिसोबाट बच्न सहयोग पुग्ने सरस्वती आधारभूत विद्यालयका शिक्षक बलबहादुर रोकायाले बताएका छन् ।

विद्यालयमा बालबालिकाहरु पातलो कपडा लगाएर आउने गर्थे चिसोले कठ्याङ्ग्रीनु पर्ने बाध्यता थियो, वडाध्यक्ष पाध्याले बालबालिकालाई न्यानो कपडा वितरण गरेको छ, अब यो समस्या हट्ने शिक्षक रोकायाले बताए ।

बालबालिकाहरु न्यानो ज्याकेट पाएसंगै खुसी भएका छन् । चिसो छल्न विपन्न बालबालिकालाई ज्याकेट वितरण गरेपछि अध्यक्ष पाध्यायप्रति खुसी हुनुको साथै विद्यालयले धन्यवाद व्यक्त गरेका छन् । 

May be an image of 2 people, child, people standing and outdoors

]]>
बडीमालिका नगरपालिकाका ९ जना कर्मचारीमा कोरोना संक्रमण https://najiknews.com/news/10192 Wed, 19 Jan 2022 09:51:59 +0545 https://najiknews.com/news/10192 अनिर्वाय मास्क लगाएर हिड्नु पर्ने र २५ जना भन्दा बढी सहभागि हुन नपाइने भनेर थाहा हुँदा समेत नियमको भने उलघंन गरेको पाईएको छ । दैनिक दिन कोरोना संक्रमणको जोखिम उच्च हुँदै गएपनि यसमा खासै कसैले पनि चासो राखेका छैन् । बाजुरा : बाजुरामा थप ९ जनामा कोरोना संक्रमण पुष्टि भएको छ । जिल्ला सदरमुकाम मार्तडीस्थित बडीमालिका नगरपालिकाका ९ जना कर्मचारीमा कोरोना संक्रमण पुष्टि भएको हो ।

जिल्ला अस्पतल बाजुरामा एन्टिजेन विधीबाट गरिएको परीक्षणमा ९ जनामा कोरोना संक्रमण पुष्टि भएको बडीमालिका नगरपालिका स्वास्थ्य संयोजक टेकबहादुर खड्काले बताएका छन् ।

बडीमालिका नगरपालिकाका प्रमुख प्रशासकीय अधिृत रंगमल विक सहीत ९ जनामा कोरोना संक्रमण पुष्टि भएको उनले बताए । बाजुरामा समेत दैनिक दिन कोरोना संक्रमणको दर बढ्दै गएको छ ।

कोरोना संक्रमणको दर बढ्दै गएपनि बाजुरामा सवाधानी भने अपनाएको देखिदैन् जिल्ला प्रशासन कार्यालय बाजुराले सावाधानी उपनाउन आग्रह गरेको भएपनि सर्वसाधारणले भने बास्ता गरेको छैनन् ।

अनिर्वाय मास्क लगाएर हिड्नु पर्ने र २५ जना भन्दा बढी सहभागि हुन नपाइने भनेर थाहा हुँदा समेत नियमको भने उलघंन गरेको पाईएको छ । दैनिक दिन कोरोना संक्रमणको जोखिम उच्च हुँदै गएपनि यसमा खासै कसैले पनि चासो राखेका छैन् । 

]]>
विद्युत आपूर्तिको माग गर्दै बाजुराबासी आन्दोलित, आन्दोलनमा प्रहरीको हस्तक्षेप https://najiknews.com/news/10191 Wed, 19 Jan 2022 09:27:35 +0545 https://najiknews.com/news/10191 विद्युत सेवा नियमित र लोडसेडिङ अन्त्य गर्नु पर्ने माग गर्दै आन्दोलमा उत्रिएका स्थानीयमाथि प्रहरीले हस्तक्षेप गरेको छ । मंगलबार त्रिवेणी साना जलविद्युत केन्द्र कार्यालय अगाडी विद्युत सेवा नियमित गर्नु पर्ने माग सहीत प्रर्दशनमा उत्रिएका सहभागिमाथि प्रहरीले लाठी चार्ज गरेको हो । बाजुरा : जिल्लाको सदरमुकाम मार्तडीमा विद्युत आपूर्तिको माग गर्दै बाजुराबासी आन्दोलनमा उत्रिएका छन् ।

जिल्लाको सदमुकाम मार्तडीमा रहेको त्रिवेणी साना जलविद्युत केन्द्रले पूर्ण रुपमा विद्युत सेवा दिन नसक्दा बजार बासी आन्दोलनमा उत्रिएका हुन् ।

सोही विद्युत केन्द्रले विद्युत  महसुल लिने गरेको तर विद्युतको आपुर्ति नगरेको हुँदा आन्दोलनमा उत्रिनु परेको नागरिक समाजका अगुवा बुद्धि बोगटीले बताएका छन् । 

आन्दोलनमा उत्रिएका बजारबासीले  जिल्लामा सञ्चालित त्रिबेणी साना जलविद्युत केन्द्र र विद्युत वितरण  केन्द्र बाजुराको शाखा कार्यालयमा ताला लगाएका छन् । कार्यालयमा लगाएका ताला माग पूरा नहुञ्जेलसम्म नखुलाउने र चरण बद्ध आन्दोलन समेत गर्ने चेतावनी दिएको छ ।

राष्ट्रिय प्रशारण लाइन विस्तार भएर पावर हाउस नजिकै पुगिसकेको छ । सरकारले देशमा लोडसेडिङको अन्त्य गरेको भएपनि  बाजुरा बासीले दैनिक ५ देखि १० घण्टासम्म लोडसेडिङको मार खेप्नु परेको भन्दै बजारवासी आन्दोलनमा उत्रिएका हुन् ।

विद्युत सेवा नियमित र लोडसेडिङ अन्त्य गर्नु पर्ने माग गर्दै आन्दोलमा उत्रिएका स्थानीयमाथि प्रहरीले हस्तक्षेप गरेको छ । मंगलबार त्रिवेणी साना जलविद्युत केन्द्र कार्यालय अगाडी विद्युत सेवा नियमित गर्नु पर्ने माग सहीत प्रर्दशनमा उत्रिएका सहभागिमाथि प्रहरीले लाठी चार्ज गरेको हो । 

प्रहरीको लाठी जार्चबाट आन्दोलनमा सहभागि स्थानीय घाइते भएका छन् । आन्दोलनमा उत्रिएका केही स्थानीयमाथि प्रहरीले लाठी जार्च गर्दा शक्त घाइते भएको नागरिक समाज बाजुराले जनाएको छ ।

]]>